رەسەي بيلىگى ستەنداپ-كوميك نۇرلان سابىروۆتىڭ ەلگە كىرۋىنە 50 جىلعا تىيىم سالعانىن مالىمدەدى. بۇل شەشىم "ۇلتتىق قاۋىپسىزدىك مۇددەسى ءۇشىن" قابىلدانعان، دەپ حابارلايدى Aqshamnews.kz ءتىلشىسى.
ريا نوۆوستي نۇرلان سابىروۆقا رەسەيگە كىرۋگە 50 جىل مەرزىمگە تىيىم سالىنعانىن جازدى. اقپاراتقا سايكەس، شەشىم ۇلتتىق قاۋىپسىزدىك جانە زاڭناما تالاپتارىن ساقتاۋ ماقساتىندا قابىلدانعان. دەرەككوزدىڭ ايتۋىنشا، ءارتىس رەسەيدە تاپقان تابىسىن دەلدالدار ارقىلى زاڭداستىرۋعا تىرىسقان.
سونىمەن قاتار ءبىرقاتار ب ا ق سابىروۆتىڭ رەسەي اۋماعىندا جالپى قۇنى 60 ملن رۋبلدەن اساتىن جىلجىمايتىن جانە وزگە دە مۇلكى بار ەكەنىن حابارلايدى. قازىرگە دەيىن كوميكتىڭ ءوزى نەمەسە وكىلدەرى بۇل اقپاراتقا قاتىستى رەسمي تۇسىنىكتەمە بەرگەن جوق.