استانادا 55 جاستاعى ەر ادام توسەككە تاڭىلعان قارت اناسىن ءولتىرىپ، قىلمىسىن جاسىرۋ ءۇشىن جەدەل جاردەم شاقىرعانى انىقتالدى، دەپ حابارلايدى Aqshamnews.kz ءتىلشىسى.
ءىس ماتەريالدارىنا سايكەس، وقيعا 2025 جىلعى 3 شىلدەدە بولعان. تەرگەۋ نۇسقاسى بويىنشا، ەر ادام اناسىنىڭ موينىن قىسىپ، تۇنشىقتىرعان. كەيىن «اناسىن سۇلگىگە اسىلىپ قالدى» دەپ ءتۇسىندىرىپ، جەدەل جاردەم شاقىرعانى ايتىلادى.
وقيعا ورنىنا كەلگەن مەديسينا قىزمەتكەرى ايەلدىڭ كوز جۇمعانىن انىقتاپ، بەتى مەن موينىنان كوگەرگەن ىزدەردى بايقاعان. ساراپتاما قورىتىندىسى ءولىمنىڭ نەگىزگى سەبەبى تۇنشىعۋ ەكەنىن كورسەتكەن، سونداي-اق دەنەسىندە بىرنەشە جاراقات تىركەلگەن.
سوت ەر ادامنىڭ كىناسى تولىق دالەلدەندى دەگەن قورىتىندىعا كەلىپ، ونى ق ر قك 99-بابى 1-بولىگى («ادام ءولتىرۋ») بويىنشا 11 جىلعا باس بوستاندىعىنان ايىرۋ جازاسىنا كەستى. جازا ورتاشا قاۋىپسىزدىك مەكەمەسىندە وتەلەدى.