بۇگىن الماتى قالاسى ىشكى ساياسات باسقارماسىنىڭ قوعامدىق دامۋ ورتالىعى الماتى قالاسى پوليسيا دەپارتامەنتىنىڭ كيبەرقىلمىسقا قارسى ءىس-قيمىل باسقارماسىمەن بىرلەسە ق ر قورعانىس مينيسترلىگىنىڭ راديوەلەكترونيكا جانە بايلانىس اسكەري-ينجەنەرلىك ينستيتۋتىندا ءاقپاراتتىق-تۇسىندىرۋ كەزدەسۋى وتكىزىلدى، - دەپ حابارلايدى اqshamnews.kz ءتىلشىسى.
ءىس-شارا «زاڭ مەن ءتارتىپ: سيفرلىق قاۋىپسىزدىكتەگى ازاماتتىق جاۋاپكەرشىلىك» تاقىرىبى اياسىندا ۇيىمداستىرىلىپ، قاتىسۋشىلارعا سيفرلىق كەڭىستىكتەگى قۇقىقتىق مادەنيەت پەن جەكە جاۋاپكەرشىلىكتىڭ ماڭىزى كەڭىنەن ءتۇسىندىرىلدى.
شارا ۇيىمداستىرۋشىسى ءارى مودەراتورى:
بولاتجان ءال-فارابي نۇربەك ۇلى – الماتى قالاسى ىشكى ساياسات باسقارماسىنىڭ قوعامدىق دامۋ ورتالىعىنىڭ وكىلى.
كەزدەسۋدىڭ سپيكەرلەرى:
• نۇرلان ابديماناپوۆ — ق ر ءىىم وڭتۇستىك وڭىرلىك اسكەري-تەرگەۋ باسقارماسىنىڭ اعا جەدەل ۋاكىلى، مايور؛
• يبراگيم شىڭعىسحان تىنىشتىق ۇلى — الماتى قالاسى پوليسيا دەپارتامەنتىنىڭ كيبەرقىلمىسقا قارسى ءىس-قيمىل باسقارماسىنىڭ جەدەل ۋاكىلى، پوليسيا اعا لەيتەنانتى.
سپيكەرلەر پراكتيكالىق مىسالدار كەلتىرىپ، قازىرگى سيفرلىق قاۋىپتەردەن ساقتانۋ شارالارىن ءتۇسىندىردى، جەلىدە سانالى ءارى جاۋاپتى ارەكەت ەتۋ قاجەتتىگىن اتاپ ءوتتى.
