سەمەي قالاسىندا قوقىس كونتەينەرىنەن جاڭا تۋعان نارەستەنىڭ ءمايىتى تابىلىپ، وقيعا بويىنشا پوليسيا سوتقا دەيىنگى تەرگەپ-تەكسەرۋ باستادى، دەپ حابارلايدى Aqshamnews.kz ءتىلشىسى.
پوليسيانىڭ مالىمەتىنشە، قورقىنىشتى جاعداي 3 اقپاندا انىقتالعان. تەكسەرۋ بارىسىندا ءسابيدىڭ اناسى 20 جاستاعى قىز ەكەنى بەلگىلى بولدى. الدىن الا دەرەككە ساي، بوسانۋ ءۇي جاعدايىندا، مەديسينا قىزمەتكەرلەرىنسىز وتكەن. قىزدىڭ ايتۋىنشا، بالا دۇنيەگە كەلگەن كەزدە تىرشىلىك بەلگىلەرى بولماعان.
اباي وبلىستىق پد حابارلاۋىنشا، نارەستەنىڭ دەنەسى ساراپتاماعا جىبەرىلدى. ساراپتاما قورىتىندىسىنا قاراي پروسەسسۋالدىق شەشىم قابىلدانىپ، وقيعاعا قاتىسى بار ەكى ادامنىڭ ارەكەتىنە قۇقىقتىق باعا بەرىلەدى.