«الماتى قالاسى ءبىلىم باسقارماسى» كمم مەملەكەتتىك مەكتەپكە دەيىنگى ۇيىمداردىڭ بوس باسشىلىق لاۋازىمدارىنا كونكۋرس جاريالادى. بايقاۋ اياسىندا الاتاۋ، بوستاندىق، مەدەۋ جانە تۇركسىب اۋداندارىنداعى 4 بوبەكجاي-بالاباقشاعا مەڭگەرۋشى قابىلدانادى، - دەپ حابارلايدى aqshamnews.kz ءتىلشىسى.
قانداي ۇيىمدارعا مەڭگەرۋشى قاجەت؟
1) «ساناتوريالىق №38 بوبەكجاي-بالاباقشاسى» كمم
مەكەنجايى: الماتى قالاسى، الاتاۋ اۋدانى، كۋپرينا كوشەسى، 7 ءۇي.
قىزمەت ءتۇرى: مەكتەپكە دەيىنگى ءبىلىم بەرۋ. 1999 جىلدان جۇمىس ىستەيدى.
جوبالىق قۋاتى: 90 بالا. وقىتۋ ءتىلى: ارالاس.
2) «№201 بوبەكجاي-بالاباقشاسى» مكقك
مەكەنجايى: الماتى قالاسى، بوستاندىق اۋدانى، وربيتا-3 شاعىن اۋدانى، 27 ءۇي.
قىزمەت ءتۇرى: مەكتەپكە دەيىنگى ءبىلىم بەرۋ. 2025 جىلدان جۇمىس ىستەيدى.
جوبالىق قۋاتى: 240 بالا. وقىتۋ ءتىلى: قازاق تىلىندە.
3) «№195 بوبەكجاي-بالاباقشاسى» مكقك
مەكەنجايى: الماتى قالاسى، مەدەۋ اۋدانى، بەگالين كوشەسى، 121 ءۇي.
قىزمەت ءتۇرى: مەكتەپكە دەيىنگى ءبىلىم بەرۋ. 2023 جىلدان جۇمىس ىستەيدى.
جوبالىق قۋاتى: 140 بالا. وقىتۋ ءتىلى: ارالاس.
4) «№145 سويلەۋ تىلىندە كۇردەلى بۇزىلىستار بار بالالارعا ارنالعان ارنايى بوبەكجاي» كمم
مەكەنجايى: الماتى قالاسى، تۇركسىب اۋدانى، سەيفۋللين كوشەسى، 188 ا ءۇي.
قىزمەت ءتۇرى: مەكتەپكە دەيىنگى ءبىلىم بەرۋ. 1999 جىلدان جۇمىس ىستەيدى.
جوبالىق قۋاتى: 60 بالا. وقىتۋ ءتىلى: ارالاس.
ەڭبەكاقى مولشەرى
لاۋازىمدىق جالاقى جۇمىس وتىلىنە قاراي 181 571 تەڭگەدەن 220 150 تەڭگەگە دەيىن.
ۇمىتكەرگە قويىلاتىن تالاپتار
نەگىزگى تالاپتار:
- جوعارى (جوعارى وقۋ ورنىنان كەيىنگى) پەداگوگيكالىق ءبىلىم نەمەسە ءتيىستى بەيىن بويىنشا وزگە كاسىپتىك ءبىلىم نەمەسە پەداگوگيكالىق قايتا دايارلاۋ تۋرالى قۇجات؛
- پەداگوگيكالىق جۇمىس ءوتىلى 5 جىل، ونىڭ ىشىندە مەكتەپكە دەيىنگى ۇيىمداعى سوڭعى 2 جىل (اۋىلدىق جەردە – 3 جىل، ونىڭ ىشىندە سوڭعى 1 جىل مەكتەپكە دەيىنگى ۇيىمىندا)؛
- نەمەسە ءبىرىنشى/جوعارى بىلىكتىلىك ساناتى، پەداگوگ–ساراپشى/زەرتتەۋشى/شەبەر ساناتى؛
- نەمەسە باسشى ورىنباسارىنىڭ ساناتتارى، نە باسشى-ۇيىمداستىرۋشى/مەنەدجەر/كوشباسشى ساناتى.
ارنايى مەكتەپكە دەيىنگى ۇيىم باسشىسى ءۇشىن (№145 ارنايى بوبەكجاي):
- «ارنايى ءبىلىم» باعىتى بويىنشا جوعارى پەداگوگيكالىق ءبىلىم (نەمەسە ءتيىستى بەيىن، قايتا دايارلاۋ تۋرالى قۇجات)؛
- بىلىكتىلىكتى ارتتىرۋ كۋرستارىنان وتكەنى تۋرالى سەرتيفيكات؛
- پەداگوگيكالىق ءوتىلى 3 جىل، ونىڭ ىشىندە مەكتەپكە دەيىنگى ۇيىمىندا 1 جىل؛
- جانە/نەمەسە پەداگوگ، پەداگوگ–ساراپشى/زەرتتەۋشى/شەبەر، ءبىرىنشى/جوعارى ساناتتارىنىڭ ءبىرى.
لاۋازىمدىق مىندەتتەر (قىسقاشا)
مەڭگەرۋشى:
- مەكتەپكە دەيىنگى ۇيىم قىزمەتىن نورماتيۆتىك اكتىلەرگە ساي باسقارادى؛
- پەداگوگيكالىق كەڭەستىڭ جۇمىسىن ۇيىمداستىرادى؛ وقۋ جوسپارلارى مەن باعدارلامالاردىڭ ورىندالۋىن قامتاماسىز ەتەدى؛
- ەرەكشە ءبىلىم بەرىلۋىنە قاجەتتىلىگى بار بالالارعا جاعداي جاساپ، اتا-انالاردى پسيحولوگيالىق-پەداگوگيكالىق سۇيەمەلدەۋدى ۇيلەستىرەدى؛
- تاربيەلەنۋشىلەر كونتينگەنتىن قالىپتاستىرىپ، الەۋمەتتىك قورعالۋدى قامتاماسىز ەتەدى؛
- بالالاردىڭ دەنساۋلىعىن ساقتاۋ، تاماقتانۋ مەن مەديسينالىق قىزمەتتى ۇيىمداستىرۋعا جاعداي جاسايدى؛
- مۇلىك پەن قاراجاتتى ءتيىمدى باسقارۋدى، جىل سايىنعى ەسەپتىلىكتى قامتاماسىز ەتەدى؛
- كادرلاردى ىرىكتەۋ، ورنالاستىرۋ، قىزمەتكەرلەردىڭ بىلىكتىلىگىن ارتتىرۋ جۇمىستارىن جۇرگىزەدى.
قايدا، قاشان وتەدى؟
- وتكىزۋ ورنى: «الماتى قالاسى ءبىلىم باسقارماسى» كمم، الماتى قالاسى، رەسپۋبليكا الاڭى، 4.
- ءوتىنىم قابىلداۋ مەرزىمى: حابارلاندىرۋ «الماتى اقشامى»، «ۆەچەرنيي الماتى» گازەتتەرىندە جانە edualmaty.kz سايتىندا جاريالانعان ساتتەن باستاپ 7 جۇمىس كۇنى ىشىندە.
قۇجاتتار ءتىزىمى
- ءوتىنىش (نىسان بويىنشا)؛
- جەكە كۋالىك (كوشىرمە/سيفرلىق قۇجات)؛
- كادرلاردى ەسەپكە الۋ جونىندەگى جەكە پاراق + فوتو؛
- ديپلوم كوشىرمەسى؛
- ەڭبەك قىزمەتىن راستايتىن قۇجات كوشىرمەسى؛
- 075/ۋ نىسانىنداعى دەنساۋلىق انىقتاماسى؛
- پسيحيكالىق مىنەز-قۇلىق بۇزىلىستارى بويىنشا ديسپانسەرلىك ەسەپتە تۇرماعانى تۋرالى انىقتاما؛
- ناركولوگيالىق ەسەپتە تۇرماعانى تۋرالى انىقتاما؛
- سەرتيفيكاتتاۋدان وتكەنى تۋرالى سەرتيفيكات؛
- قازتەست / QAZAQ RESMI TEST سەرتيفيكاتى (ۆ1 دەڭگەيىنەن تومەن ەمەس)؛
- تۇيىندەمە؛
- بىلىكتىلىك ساناتىن بەرۋ/راستاۋ تۋرالى كۋالىك.
ەسكەرتۋ: 4–9-تارماقتارداعى كەيبىر قۇجاتتار كورسەتىلەتىن قىزمەتتى بەرۋشىدە اقپاراتتىق جۇيەلەردەن الۋ مۇمكىندىگى بولسا، تالاپ ەتىلمەۋى مۇمكىن.
قۇجات تاپسىرۋ مەكەنجايى جانە بايلانىس
قاجەتتى قۇجاتتار: الماتى قالاسى، رەسپۋبليكا الاڭى، 4 ءۇي، الماتى قالاسى ءبىلىم باسقارماسى.
ەلەكتروندى پوشتا: service.ok.2@mail.ru
اقپاراتتى ناقتىلاۋ ءۇشىن بايلانىس تەلەفونى: +7 707 358 32 42
ەلەكتروندى ادرەس: service.ok.2@mail.ru