Endi pedofılder ómir boıyna bas bostandyǵynan aıyrylýy múmkin.
Májilis depýtattary bul týraly jańa zań jobasyn ázirledi, dep habarlaıdy Almaty-akshamy.kz
Parlament májilisi "Qazaqstannyń keıbir zańnamalyq aktilerine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly" zań jobasyn qaraıdy.
Májilismen, áleýmettik-mádenı damý komıtetiniń tóraǵasy Asqat Aımaǵambetovtiń aıtýynsha, zań jobasy májilis depýtattarynyń bastamasymen ázirlengen. Qujat otbasyndaǵy zorlyq-zombylyq úshin jaýapkershilikti qatańdatý týraly prezıdenttiń tapsyrmasyna tolyǵymen sáıkes keledi.
Zań jobasynda depýtattar birneshe negizgi norma usynyp otyr:
uryp-soǵýdy jáne densaýlyqqa jeńil zıan keltirýdi qazirgi ákimshilik jaýapkershilikten qylmystyq jaýapkershilikke jatqyzý, jazasyn áldeqaıda qatańdatý;
jábirlenýshiniń ótinishin kútpeı-aq, zorlyq-zombylyq týraly BAQ nemese onlaın platformalardaǵy aqparat negizinde tisti sharalar qabyldaý quqyǵyn berý;
otbasynda zorlyq-zombylyq jasaǵan adamdardyń agressıvti minez-qulqyn ózgertý úshin sotqa psıhologıalyq kómek kórsetýdi mindetteý ókilettigin berý;
pedofılderdi ómir boıyna bas bostandyǵynan aıyrý;
sýısıdty nasıhattaǵany nemese sýısıdke ıtermelegeni úshin qylmystyq jaýapkershilik engizý;
balalarǵa arnalǵan ınternat uıymdaryna aldyn-ala eskertýsiz kez-kelgen ýaqytta barý jáne tekserý.
Áleýmettik-mádenı damý komıteti zań jobasy boıynsha qorytyndy ázirleýge daıyn.