2023 jyly aýdandy abattandyrý boıynsha 25 joba iske asyrylǵan.
Onyń ishinde 6 qoǵamdyq keńistik (K. Baıseıitova kóshesi, Gandı parki, Sosnovyı skveri, Bıokombınat, AZTM jáne Raıymbek dańǵyly, Beketov kóshesi) jáne avtomatty sýarý qurylysy bar 19 jasyl aımaq kógaldandyrylǵan. Bul týraly Almaly aýdany turǵyndarymen kezdesýinde qala basshysy E.Dosaev aıtty, dep habarlaıdy almaty-akshamy.kz.
Jańbyr jaýǵan kezde sý basatyn ýchaskeler sanyn azaıtý úshin tótenshe jaǵdaılar jelisi boıynsha 12 ýchaskeni joıý jumystary júrgizildi, 41,1 shaqyrym aryq jelisin qaıta qurý jáne salý jumystary jalǵasýda. Qazirgi ýaqytta jalpy uzyndyǵy 11,5 shaqyrym bolatyn 31 ýchaske aıaqtaldy. Bıyl jyl sońyna deıin qalǵan 29,6 shaqyrym aıaqtaý josparlanyp otyr
Arhıtektýralyq kelbetin saqtaý maqsatynda KTK-niń 47 qasbetin jańartý boıynsha jumystar júrgizildi. Turǵyndarǵa qolaıly jaǵdaı jasaý aıasynda 91 aýla aýmaǵyn abattandyrý jumystary júrgizildi. «Halyq qatysatyn búdjet» baǵdarlamasyn iske asyrý boıynsha jumys jalǵasýda. 2023 jyly baǵdarlama aıasynda 1,6 mlrd teńge somaǵa 34 joba iske asyryldy. Al bıyl 52 jobany iske asyrý maqsatynda qarjylandyrý somasy 2 mlrd teńgege deıin ulǵaıtyldy, - dedi qala ákimi E.Dosaev.
Sonymen qatar, jaıly qalalyq orta qurý aıasynda 3 alańǵa jóndeý jumystary júrgiziledi (Muqanov, Tóle bı - Masanchı kóshesi, Tóle bı - Rozybakıev kóshesi) jóndeý , Qashǵar kóshesi boıynsha jaıaý júrginshiler aımaǵyn qurý, KJO-nyń 50 qasbetin jóndeý jáne 59 aýla aýmaǵyn abattandyrý josparlanýda.