Afrıka qurlyǵynyń ońtústik bóliginde oryn tepken Zımbabve bıligi uzaqqa sozylǵan qurǵaqshylyqtan paıda bolǵan azyq-túlik tapshylyǵyna jáne elde asharshylyq qaterine baılanysty osyndaı sheshim qabyldady, dep habarlaıdy aqshamnews.kz.
Bul jaıynda islam.kz portaly brıtanıalyq The Guardian merzimdi basylymyna silteme jasaı otyryp málim etedi. Taıaýda Namıbıada da osyǵan uqsas jaǵdaı oryn alǵan bolatyn.
«Namıbıa 700-den astam jabaıy janýardy soıyp, etin azyq-túlik tapshylyǵynan zardap shekken adamdarǵa taratýdy josparlap otyr, óıtkeni, Afrıka qurlyǵynyń ońtústik-batysynda oryn tepken el 100 jyldaǵy eń qatty qurǵaqshylyqpen betpe-bet kelip otyr. Dáliregi, 83 pil, 30 sýsıyr, 60 eneke, 50 qaraquıryq, 100 kógildir gný eligi jáne 300 zebra soıylatyn boldy. Namıbıa mamyr aıynda qurǵaqshylyqtyń aýyr saldaryna baılanysty tótenshe jaǵdaı jarıalaǵan. Shamamen 1,4 mıllıon adam - el halqynyń jartysyna jýyǵy - azyq-túlikpen jetkilikti deńgeıde qamtamasyz etilmegen». «Biz ZimParks jáne keıbir qaýymdastyqtarmen pilderdi soıyp, áıelderdi etti keptirýge, ony orap, aqýyzǵa muqtaj jandarǵa jetkizýge jumyldyratyn joldardy qarastyryp, Namıbıa barǵan qadamdy júzege asyrý múmkindigin talqylap jatyrmyz». , - dep málimdedi Zımbabveniń qorshaǵan ortany qorǵaý mınıstri Sıtembıso Nıonı.
Zımbabvede mundaı shara sońǵy ret 1988 jyly qoldanylǵanyn da atap ótken jón. Sońǵy jyldary pil popýlásıasyn joıylýdan qutqarý saıasatynyń nátıjesinde Hýange qoryǵynda alyp janýarlar sany qoryqtyń áleýetine shaqqanda tórt esege artqan.