Almaty qalasy aýmaǵynda kámeletke tolmaǵandar arasyndaǵy qylmystyń aldyn alý jáne ony boldyrmaý maqsatynda osy jyldyń 17-19 qyrkúıegi aralyǵynda múddeli memlekettik organdardyń, úkimettik emes uıymdardyń, jurtshylyqtyń jáne buqaralyq aqparat quraldarynyń ókilderin tartý arqyly «Jasóspirim» jedel aldyn alý is-sharasy ótedi.
– İs-sharanyń basty maqsaty – jasóspirimder arasyndaǵy qylmystyń aldyn alý jáne ony boldyrmaý, bilim berý uıymdarynyń oqýshylary arasyndaǵy quqyq buzýshylyqtardy boldyrmaý, kámeletke tolmaǵandardyń quqyqtaryn qorǵaý salasyndaǵy ákimshilik quqyq buzýshylyqtardy anyqtaý, olardyń quqyqtyq saýattylyǵyn arttyrý, sondaı-aq balalarǵa qatysty qylmystyq qol suǵýshylyqtardyń aldyn alý, – dep atap ótti Almaty qalalyq PD Jergilikti polısıa qyzmeti basqarmasynyń basshysy Serik Shýmaev.
Sonymen qatar, is-shara barysynda polısıa qyzmetkerleri kámeletke tolmaǵandar arasyndaǵy quqyq buzýshylyq pen baqylaýsyzdyqtyń aldyn alýǵa, kámeletke tolmaǵandardyń túngi ýaqytta zańdy ókilderiniń erip júrýinsiz oıyn-saýyq mekemelerinde jáne úılerinen tys jerde bolýyna, kámeletke tolmaǵandarǵa alkogóldik jáne temeki ónimderin satý derekterin, sondaı-aq olardy qoǵamǵa jat áreketterge tartatyn eresekterdi anyqtaýǵa basa nazar aýdarady.