Almatyda avtorlyq quqyq pen zıatkerlik menshikti qorǵaý jóninde dóńgelek ústel ótti
Almatyda De Monfort University Kazakhstan alańynda, Almaty qalasy Kásipkerlik jáne ınvestısıalar basqarmasynyń qoldaýymen, Shyǵarmashylyq bastamalar jáne mádenı mura qoǵamdyq qory jáne «AUDOO.QZ» JSHS birlesip, «Zıatkerlik menshik – shyǵarmashylyq ekonomıkanyń negizi. IP JOQ – EKONOMIKA JOQ» taqyrybynda dóńgelek ústel ótkizdi.
Dóńgelek ústel baǵdarlamasy zıatkerlik quqyqtardy qorǵaýdyń, jasandy ıntellekt pen blokcheın tehnologıalaryn qoldanýdyń, sondaı-aq osy saladaǵy bilim berýdiń túrli negizderin talqylaýdy qamtydy.
Dóńgelek ústeldiń suhbat alańy Almaty qalasynyń shyǵarmashylyq ekonomıkasy túrli salalarynyń sarapshylaryn biriktirdi. Onyń ishinde, Z. Rozmat, E. Bedelhan, P. Kóktishev, A. Janserikova, B. Qaldaıaqova, A. Halımov jáne basqa da sarapshylar qatysty.
Almaty qalasy Kásipkerlik jáne ınvestısıalar basqarmasynyń basshysy Álisher Satybaldıev jáne Qazaqstan Respýblıkasy Parlamenti Senatynyń depýtaty Janna Asanova, sondaı-aq múddeli memlekettik organ ókilderi sıfrlandyrý dáýirindegi negizgi úrdister men Almatydaǵy shyǵarmashylyq ındýstrıany damytý máselelerin talqylady. Sonymen qatar, avtorlyq jáne sabaqtas quqyqtardy qorǵaý boıynsha atqarylǵan jumystar týraly málimdedi.
"Bizdiń mindetimiz – shyǵarmashylyq jetistikterdi qorǵaý ǵana emes, sonymen qatar olardyń álemdik arenaǵa sátti enýi úshin jaǵdaı jasaý. Bul úshin quqyqtyq retteýdiń zamanaýı tásilderi, ınovasıalyq bilim berýdiń baǵdarlamalary jáne jahandyq seriktesterdiń ózara belsendi árekettesýi qajet. Tek osylaı ǵana biz shyǵarmashylyq ındýstrıanyń turaqty damýyn qamtamasyz ete alamyz. Shyǵarmashylyq bastamalar jáne mádenı mura qoǵamdyq qorymen birlesip, zıatkerlik menshikti sıfrlyq qorǵaý salasyndaǵy bilimdi tereńdetý úshin bilim berý baǵdarlamalary men trenıńter engizýdi josparlap otyrmyz", – dedi Álisher Satybaldıev.
Dóńgelek ústel barysynda «AUDOO.QZ» qazaqstandyq kompanıasy qyzmetteriniń tusaýkeseri ótti. Bul kompanıa shyǵarmashylyq quqyqtardy tirkeý, qaýipsizdik, qorǵaý jáne monetızasıalaý sheshimderi, sondaı-aq shyǵarmashylyq ekonomıka jónindegi bilim berý resýrstaryn usynady.
«Jeńimpaz – ol adamı danyshpandyqpen oılap tabylǵan jańa ıdeıalar men ázirlemelerdi engizip, ekonomıkany zamanaýı tehnologıalyq deńgeıge shyǵaratyn adam. Tutastaı alǵanda, IP jáne materıaldyq emes aktıvter salasy memlekettik ekonomıkalyq baǵdarlamalar men halyqaralyq ınvestısıalyq bıznes úshin basymdyqqa aınaldy, óıtkeni ol barynsha paıda alýǵa jáne buryn-sońdy bolmaǵan áleýmettik áserdi qamtamasyz etýge múmkindik beredi. S&P 500 ındeksine sáıkes, 2020 jyldyń ózinde kompanıalardyń jalpy naryqtyq qunyndaǵy materıaldyq emes aktıvterdiń úlesi 90%-dy qurady. Álemdik tájirıbe IP monetızasıasynyń ulttyq tujyrymdamasynsyz kreatıvti ekonomıkanyń bolmaıtynyn rastaıdy», – dep atap ótti «AUDOO.QZ» bas dırektory Elnora Aıtqalıeva.
Sońǵy jyldary Almaty kreatıvti ındýstrıanyń ortalyǵyna aınalyp otyr. Bul sala kásipkerler men talantty jastardy kóbirek tartyp, avtorlyq quqyq pen zıatkerlik menshikti qorǵaý salasynda sapaly bilim berýdi qajet etedi.
Dóńgelek ústel barysynda qatysýshylar megapolıstiń jasampaz ekonomıkasynyń ósýi men órkendeýine tek birlesken kúsh-jiger arqyly ǵana qolaıly jaǵdaı jasaýǵa bolatyny týraly ortaq pikirge keldi. Jańa tehnologıalardy engizýge jáne ınovasıalar mádenıetin damytýǵa belsendi kózqaras Qazaqstanǵa jahandyq ınovasıalyq arenada negizgi oryndardy ıelenýge múmkindik beredi.