Qalamyzdyń Oqýshylar saraıynda jumysshy mamandyqtar jylyna oraılastyrylǵan «Zhas Maman 2025» kásipkerler jármeńkesi ótti.
Atalǵan is-sharaǵa 3 000-nan astam toǵyzynshy synyp oqýshysy keldi. Bul jármeńke shákirtterge bolashaq mamandyqty tańdaýda baǵyt-baǵdar boldy. Jármeńkege 50-den astam kolej qatysty. Olarǵa túrli salaǵa mamandar daıarlaýǵa baǵyttalǵan bilim berý baǵdarlamalarynyń keń spektri usynyldy. Bul bastama joǵary synyp oqýshylary úshin úlken mańyzǵa ıe. Óıtkeni, dál osyndaı shara jasóspirimderge mamandyq tańdaýdyń mańyzyn túsinýge ári olardy tabysty mansap jolyna baǵyttaýǵa kómektesedi.
İs-sharany uıymdastyrýshylar – Medeý aýdanynyń bilim bólimi men № 64-mektep. «Atameken» palatasynyń qyzmetkerleri qalalyq Bilim basqarmasymen birlesken jumys jospary aıasynda spıkerler retinde qatysty. Sebebi, palata oqýshylardy dýaldy oqytý men kásiptik baǵdarlaý aıasynda kásiporyndarmen belsendi ózara is-qımyl jasaıdy. Bul úshin jyl boıyna túrli konferensıa, «dóńgelek ústel» úrdisindegi jıyndar, oqýshylardy jumysshy mamandyqtarmen tanystyrýǵa qala kásiporyndaryna tanymdyq ekskýrsıalar josparlanǵan.
Sonymen qatar, palata ár jastaǵy adamdarǵa jumysshy mamandyǵyn alý úshin qysqa merzimdi kýrstar ótkizýge, dýaldi oqytý baǵdarlamasyn iske asyrýǵa, kásiptik baǵdar berýge baılanysty túrli is-sharaǵa, sondaı-aq kásipkerlerdi suranysqa ıe jumysshy kásipteriniń mamanyn daıarlaýǵa qoldaý kórsetýde. Bul jóninde forýmda Almaty qalasy kásipkerler palatasynyń kásipkerlerdi qoldaý jáne damytý bóliminiń jetekshi mamany Janar Ibragımova aıtyp berdi. Bul shara kásibı baǵdar berý men osy kúngi eńbek naryǵynyń syn-qaterlerine daıyn jastardy daıarlaý máselesine keshendi kózqarastyń mańyzdylyǵyn erekshe kórsetti.