Sybaılas jemqorlyqqa qarsy is-qımyl agenttigi jalǵan dıplommen jumys isetegen júzdegen bapkerdi anyqtady.
Agenttiktiń resmı ókili Danıar Bıgaıdarovtyń aıtýynsha, byltyr trenerlik-oqytýshylyq jáne sporttyq qyzmetpen aınalysqan 278 adamnyń jalǵan dıplom paıdalanǵany anyqtaldy, dep habarlaıdy aqshamnews.kz
Sonyń ishinde 9 basshy, 248 jattyqtyrýshy jáne 21 basqa qyzmetker bar. Ondaı adamdardyń basym bóligi bes oblysta áshkerelendi. Olar:
• Túrkistan oblysy – 44 adam;
• Atyraý oblysy – 30 adam;
• Almaty oblysy – 26 adam;
• Jambyl oblysy – 22 adam;
• Aqmola oblysy – 20 adam;
"Mysaly, Astana qalasynda olımpıadalyq rezervtiń balalar-jasóspirimder sport mektebiniń basshylarynyń biri joǵary bilim týraly jalǵan dıplommen jumys istegen. Onyń oqý barysynda basqa sport uıymynda nusqaýshy qyzmetin atqarǵany anyqtaldy", - dedi Bıgaıdarov búgingi brıfıńte.
Al Mańǵystaý oblysynda olımpıadalyq rezervtiń oblystyq mamandandyrylǵan balalar-jasóspirimder sport mektebinde dırektor orynbasary jalǵan dıplommen ustaldy. Qazirgi kezde barlyq materıal ishki ister organdaryna berildi. Sonyń aıasynda tergeý sharalary bastaldy.
"Qabyldanǵan sharalar aıasynda 250 adammen eńbek kelisimsharttary buzyldy. Qalǵandary boıynsha jumystan bosatý máselesi tergeý nátıjeleri boıynsha sheshiledi", - dep atap kórsetti agenttiktiń resmı ókili.