13 qazanda Abaı atyndaǵy Qazaq ulttyq opera jáne balet teatryndaAizhan Abdubait qoldanbaly óner jáne «Zerleý» altyn tigis avtorlyq úıiniń 30 jyldyq mereıtoıyna arnalǵan «Zer-ǵumyr» kórmesi ótedi.
ÓKQ brıfıńinde restavrator-dızaıner Aıjan Abdýbaıt jáne basqa da tanymal sýretshiler Almatyda altynmen kesteleýdiń kóne tehnıkasyn qalaı jandandyryp júrgenin aıtyp berdi, dep habarlaıdy Almaty-akshamy.kz.
Aıjan Abdýbaıt jarty ǵumyryn osy iske jáne osy ónerdi zertteýge arnaǵan jalǵyz qolónershi.
«Eger qoldanbaly óner týraly jalpy aıtatyn bolsaq, ol alýan túrli, kópsalaly. Mysaly, aǵash óńdeý, temir, zergerlik buıymdar, toqyma-kilem toqý, kıiz basý jáne t.b. Sondaı-aq, keste tigý ónerinde birneshe baǵyt bar: kres, toqyma, tigis jáne basqalary. Olardyń ishinde «Zerleý» - altyn jáne kúmis jiptermen keste tigý, handardyń, bıler men sultandardyń kıimderi men bas kıimderin áshekeıleý. Bul elıtarlyq óner joǵalýǵa aınaldy. Bul bizdiń halqymyzdyń mádenıeti qanshalyqty baı bolǵandyǵynyń tikeleı dáleli. Sondyqtan men óz ómirimdi osy ónerdi zertteýge arnadym»,-dep bólisti dızaıner-restavrator, QR Sýretshiler Odaǵynyń múshesi, «Jiger» festıvaliniń laýreaty jáne altyn tigý óneriniń sheberi Aıjan Abdýbaıt.
Restavratordyń qolynan shyqqan alǵashqy jumystardyń biri - Jáńgir hannyń áıeli Hansha Fatımanyń Nıkolaı İ patshanyń taqqa otyrý rásiminde kıgen kóılegi men kamzoly. Sondaı-aq, Aıjan Abdýbaıt Qoja Ahmet Iassaýı qabirin jaýyp turǵan kilemdi, Jáńgir hannyń áskerı kıimin qalpyna keltirý boıynsha jumys jasady.
Sonymen qatar, bul ónerdiń qashan jáne qaı jerde paıda bolǵandyǵy týraly naqty málimetter joq. Qazaq dalasyna ol patsha zamanynda keldi, deıdi grafık, etnograf jáne jazýshy Eraly Ospanov.
«Bul ónerdi bizdiń dalaǵa qazaq sultandary ákeldi jáne ol tek bıleýshi taptyń, aqsúıekterdiń ókilderine ǵana tıesili boldy. Erlerdiń muraq atty bas kıimin tek handar, sultandar men bıler kıgen, ony altyn jáne kúmis jipterdi qoldana otyryp, osy tehnıkada kestelegen. Kóptegen jyldardan keıin bul qolóner halyq arasyna sińisip ketti, sodan keıin «zerleý» kıimder men bas kıimderdi ǵana emes, sonymen qatar turmystyq zattardy da bezendire bastady», - dedi E.Ospanov.
Jumys istegen jyldary sheber qolónershi júzden astam adamdy oqytty. Búginde Aıjan Abýbaıttiń jumystary jeke koleksıalarda, al restavrasıadan ótken tarıhı tulǵalardyń kostúmderin elimizdiń murajaılarynan kórýge bolady.