Jábirlenýshi esh oılanbastan barlyq aqshasyn alaıaqtarǵa aýdaryp jibergen
Aqtóbe oblysynyń 69 jastaǵy turǵyny alaıaqqa senip, 5 mln teńgesinen aıyrylyp qaldy, dep habarlaıdy Almaty-akshamy.kz QazAqparatqa silteme jasap.
Aımaqtaǵy Polısıa departamentiniń málimetinshe, bırja ókili jábirlenýshimen baılanysqa shyǵyp, aqsha aýdarymy men komısıa úshin, saqtandyrý qaǵazy men taǵy basqa salyqtardy tóleý kerektigin aıtqan. Aıtylǵan operasıany júzege asyrý úshin jábirlenýshi esh oılanbastan barlyq aqshasyn alaıaqtarǵa aýdaryp jibergen.
«Shyǵyn somasy shamamen 5 mln teńge. Aqshany alǵan alaıaq keıin keri baılanysqa shyqpaǵan, er adam óziniń alaıaqtardyń qurbanyna aınalǵanyn túsinip, polısıaǵa aryzdandy. QK-niń 190-baby 3-bóligi (Alaıaqtyq) boıynsha sotqa deıingi tergeý júrgizilip, kúdiktilerdi anyqtaý men ustaýǵa baǵyttalǵan jedel is-sharalar júrgizilýde», - dep málimdedi vedomstvodan.
Aqtóbe oblysy Polısıa departamenti naǵyz brokerler adamdardy telefon arqyly shaqyrmaıtynyn, jeke tulǵalardyń kartalaryna jáne basqa da tólem júıelerine qarajat aýdarýdy suramaıtynyn eske salady.