Birjolǵy zeınetaqy tólemderin myna maqsattarmen paıdalanýǵa jol beriledi.
Qazaqstanda turǵyn úı jaǵdaılaryn jaqsartý úshin zeınetaqy jınaqtaryn paıdalaný qaǵıdalaryna ózgerister engizilýi múmkin, dep habarlaıdy, dep habarlaıdy Almaty-akshamy.kz Baq.kz-ke silteme jasap.
Indýstrıa jáne ınfraqurylymdyq damý mınıstrligi turǵyn úı jaǵdaılaryn jaqsartý úshin birjolǵy zeınetaqy tólemderin paıdalaný qaǵıdalary týraly mınıstrdiń buıryǵyna ózgerister jobasyn daıyndady.
Vedomstvo usynyp otyrǵan qujatta turǵyn úı jaǵdaıyn jaqsartý úshin birjolǵy zeınetaqy tólemderin myna maqsattarmen paıdalanýǵa jol beriletini aıtylǵan:
• turǵyn úıdi satyp alý-satý, aıyrbastaý (aıyrbas jasaý) sharttary boıynsha (ıpotekalyq turǵyn úı qaryzyn resimdemeı) turǵyn úıdi menshikke satyp alýǵa baılanysty azamattyq-quqyqtyq mámileler boıynsha túpkilikti esep aıyrysý;
• bir banktik qaryz sharty sheńberinde jóndeý júrgize otyryp, turǵynjaıdy jáne (nemese) turǵynjaıdy satyp alýǵa ıpotekalyq turǵyn úı qaryzyn alý, bir banktik qaryz sharty sheńberinde jóndeý júrgize otyryp, turǵynjaıdy jáne (nemese) turǵynjaıdy satyp alýǵa ıpotekalyq turǵyn úı qaryzy boıynsha bereshekti ishinara nemese tolyq óteý, ıpotekalyq turǵyn úı qaryzyn qaıta qarjylandyrý úshin bastapqy jarnany engizý;
• Qarajat jınaqtaý, alý, bereshekti ishinara nemese tolyq óteý, turǵyn úı satyp alý (onyń ishinde bir banktik qaryz sharty sheńberinde jóndeý), jeke turǵyn úı salý (nysanaly maqsaty bar jer ýchaskesin satyp alýdy qosa alǵanda – jeke turǵyn úı qurylysy nemese jeke qosalqy sharýashylyq) úshin ıpotekalyq turǵyn úı qaryzyn qaıta qarjylandyrý maqsatynda turǵyn úı qurylysy jınaq aqshasy týraly salymdarǵa aýdarý;
• Islam bankiniń qarjylandyrýy sheńberinde turǵyn úı satyp alý, ıslam bankiniń turǵyn úı satyp alý jónindegi mámileni qarjylandyrýy sheńberinde bereshekti ishinara, tolyq óteý;
• turǵyn úı qurylysy baǵdarlamalary men daǵdarysqa qarsy baǵdarlamalar sheńberinde berilgen turǵyn úıdi jekeshelendirý, tóleý merzimin uzarta otyryp satyp alý-satý, satyp alý quqyǵymen uzaq merzimdi jalǵa alý sharttary boıynsha ishinara nemese tolyq óteý;
• onyń ishinde ıpotekalyq turǵyn úı qaryzyn tarta otyryp, sondaı-aq osyndaı ıpotekalyq turǵyn úı qaryzyn nemese qaıta qarjylandyrylǵan ıpotekalyq turǵyn úı qaryzyn ishinara nemese tolyq óteý úshin jeke turǵyn úı salý (menshiginde nysanaly maqsaty bar jer ýchaskesi bolǵan kezde – jeke turǵyn úı qurylysy nemese jeke qosalqy sharýashylyq);
• ıpotekalyq turǵyn úı qaryzyn resimdemeı, keıinnen turǵyn úıdi paıdalanýǵa berý týraly aktini bere otyryp, satyp alý-satý, aıyrbastaý (aıyrbas jasaý) sharttary boıynsha jer ýchaskesin menshikke satyp alý (nysanaly maqsaty – jeke turǵyn úı qurylysy nemese jeke qosalqy sharýashylyq);
• jergilikti atqarýshy organdar belgilengen tártippen tirkegen turǵyn úı qurylysyna úlestik qatysý týraly shart boıynsha, onyń ishinde qaryzdar alý jáne biryńǵaı turǵyn úı qurylysy operatory kepildik bergen salynyp jatqan obektide turǵyn úı satyp alýǵa osyndaı qaryzdar boıynsha mindettemelerdi tóleý úshin turǵyn úıdiń (páterdiń) qunyn tóleýge beriletin aǵymdaǵy nysanaly transfertter bolyp tabylady.
Bir jolǵy zeınetaqy tólemderiniń somasy osy erejede kózdelgen maqsattarǵa jetkiliksiz bolǵan jaǵdaıda, óz qarajatyn paıdalanýǵa bolady.
Alýshy osy qaǵıdalardyń 5-tarmaǵynyń 6), 7), 8), 9) tarmaqshalarda kózdelgen maqsattar boıynsha birjolǵy zeınetaqy tólemderiniń nysanaly paıdalanylýyn rastaý úshin jeke kabınette qarajat aýdarylǵan kúni ESQ-men nemese ýákiletti operatordyń ishki qujatymen belgilengen ózge de elektrondyq tásilmen kýálandyrylatyn, tirkeýshi organda alýshyǵa menshik quqyǵyn tirkeý jónindegi qujatty usyný týraly mindettemege qol qoıady.
Birjolǵy zeınetaqy tólemderi osy qaǵıdalardyń 5-tarmaǵynyń 3) tarmaqshasynda kózdelgen maqsattar boıynsha turǵyn úı qurylysy jınaq aqshasy týraly shartty buzý nátıjesinde paıdalanylmaǵan jaǵdaıda, birjolǵy zeınetaqy tólemderiniń somasy 10 (on) jumys kúni ishinde BJZQ-daǵy shotqa qaıtarylýǵa jatady.
Turǵyn úı qurylysy jınaq aqshasy týraly shartty alýshynyń (ótinish berýshiniń) jubaıy (zaıyby) nemese jaqyn týysy bolyp tabylmaıtyn úshinshi tulǵanyń paıdasyna berýge jol berilmeıdi.
Birjolǵy zeınetaqy tólemderin alýshynyń jubaıynan (zaıybynan) jáne olardyń jaqyn týystarynan, sondaı-aq alýshynyń (ótinish berýshiniń) jaqyn týystarynan jyljymaıtyn múlik satyp alýǵa paıdalanýǵa jol berilmeıdi.