Almaty qalasynda para berýshilerdiń biri 7 jylǵa bas bostandyǵynan aıyryldy.
Sybaılas jemqorlyqqa qarsy is-qımyl agenttigi para berý jáne deldal retinde qatysý zańmen qýdalanatynyn eske salady, dep habarlaıdy Almaty-akshamy.kz.
Sybaılas jemqorlyqqa qarsy is-qımyl agenttiginiń aqparaty boıynsha jyl basynan beri respýblıka boıynsha sybaılas jemqorlyq qylmystyq quqyq buzýshylyq jasaǵan 724 adam anyqtaldy, olardyń úshten biri para berýshi bolyp tabylady (273 adam nemese 37,7%).
«Para berý» Qylmystyq kodeksinde múlki tárkilenip jáne belgili bir laýazymdardy atqarý quqyǵynan ómir boıyna aıyra otyryp, paranyń jıyrmadan alpys esege deıingi somasy mólsherinde aıyppul salýǵa ne 15 jylǵa deıin bas bostandyǵynan aıyrýǵa jazalanady, - delingen agenttik aqparatynda.
Máselen, quqyq qorǵaý organdarynyń biriniń laýazymdy tulǵasyna 800 000 teńge para bergeni úshin Qostanaı oblysynda sottalǵan adamǵa 24 mln teńge aıyppul salyndy.
«Almaty qalasynda para berýshilerdiń biri 7 jylǵa bas bostandyǵynan aıyryldy. Jáne mundaı mysaldar kóp», - dep jazylǵan vedmostvo málimetinde.
Óz kezeginde, 2 AEK-ten kem para berý para berýshini jaýapkershilikten bosatpaıdy. Zańsyz materıaldyq syıaqynyń jáne syılyqtardyń mundaı túri 200 AEK mólsherinde aıyppul túrinde ákimshilik jaýapkershilikke ákep soǵady.
Qylmystyq nemese ákimshilik bolsyn, sybaılas jemqorlyq quqyq buzýshylyqtar árkimniń jeke isinde iz qaldyrady, bul jaǵymsyz saldarǵa ákelýi múmkin.
Bul memlekettik qyzmetke jáne kvazımemlekettik sektorǵa jumysqa ornalasýǵa kedergi bolady. Sondaı-aq, Eńbek kodeksiniń 52-babyna sáıkes sybaılas jemqorlyq quqyq buzýshylyq jasaý jumys berýshiniń óziniń bastamasy boıynsha eńbek shartyn buzý úshin negiz bolyp tabylady.
Agenttik barlyq azamattardy ózderinen bastaýǵa jáne sybaılas jemqorlyq quqyq buzýshylyqtarǵa «nóldik» tózimdilik qaǵıdatymen jeke tulǵasyn ósirýge shaqyrady.
Sybaılas jemqorlyq kórinisterimen soqtyǵysqan jaǵdaıda, sybaılas jemqorlyqqa qarsy qyzmettiń táýlik boıǵy kol-ortalyǵyna 1424 nómiri boıynsha habarlaý qajet. Qońyraý shalý tegin bolyp tabylady.
Aqparat rastalǵan jaǵdaıda, habarlama 80 myńnan 11 mln teńgege deıingi aqshalaı syıaqymen marapattalady.