Bul qyzmet ekinshi deńgeıli bankterdiń qosymshalary arqyly paıdalanylady.
Eńbek jáne halyqty áleýmettik qorǵaý mınıstrligi qazaqstandyqtar alatyn zeınetaqy men járdemaqy, sondaı-aq áleýmettik tólemder týraly anyqtama berý prosesin avtomattandyrdy, dep habarlaıdy Almaty-akshamy.kz
Buryn anyqtamalardy Halyqqa qyzmet kórsetý ortalyqtarynan qaǵaz jetkizgishte alýǵa bolatyn. Azamattar tarapynan suranys kóp bolǵandyqtan, qyzmetti avtomattandyrý qajettiligi týyndady. Mınıstrliktiń málimetinshe, tek 2022 jyly 210 myńnan astam adam osyndaı anyqtama alǵan.
"Eńbek mınıstrligi ekinshi deńgeıli banktermen birlesip, qajet derekterdi mobıldi qosymsha arqyly 15 mınýt ishinde elektrondy formatta alý múmkindigin júzege asyrdy. Anyqtamanyń sıfrlyq nusqasynda buǵan deıin tólengen jáne belsendi tólemderdiń mólsheri týraly aqparat bar. Qyzmet alýshy 2016 jyldan bastap kez kelgen kezeńdi tańdaı alady (eń joǵary kezeń – 3 jyl)", - dep habarlady vedomstvodan.
Qazirgi ýaqytta anyqtamalardy Halyq banktiń mobıldi qosymshasy arqyly alýǵa bolady.
Jaqyn arada osy qyzmetti Kaspi Bank-tiń qosymshasyna da engizý josparlanyp otyr.
"Alynǵan járdemaqylar, zeınetaqy jáne áleýmettik tólemder týraly mobıldi qosymsha arqyly anyqtama berý aqparat alý prosesin jeńildetedi jáne ońaılatady, sonymen qatar memlekettik búdjetti aıtarlyqtaı únemdeıdi", - dep túsindirdi Eńbek jáne halyqty áleýmettik qorǵaý mınıstrliginde.