Qazaqstanda ár salany sıfrlandyrý aqsha únemdeýin berýde
Aǵymdaǵy jylǵy 1 maýsymnan bastap QR Eńbek jáne halyqty áleýmettik qorǵaý mınıstrligi sıfrlyq sheshimderdi engizý esebinen zeınetaqy tólemderi men járdemaqylardy ákimshilendirý boıynsha shyǵystardy ońtaılandyrý boıynsha kezeń-kezeńmen jumys júrgizýde. Bul shara jyl saıyn respýblıkalyq búdjet qarajatyn 4,5 mlrd teńgege deıin únemdeýge múmkindik beredi, dep habarlady Almaty-akshamy.kz. QR Eńbek jáne halyqty áleýmettik qorǵaý mınıstrliginiń saıtyndaǵy habarǵa silteme jasaı otyryp.
Qazirgi ýaqytta árbir járdemaqy nemese zeınetaqy tólemi ekinshi deńgeıdegi bankter men «Qazposhta» AQ-ǵa jeke element retinde túsedi, ol úshin komısıalyq alym alynady. Túrli tólem elementterin tólemniń bir elementine biriktirý qazaqstandyqtarǵa tıesili tólemderdi ákimshilendirýge jumsalatyn shyǵyndardy barynsha azaıtýǵa múmkindik beredi.
Elementterdi biriktirý kezinde respýblıkalyq búdjetten qarjylandyrylatyn taǵaıyndalǵan tólemderdiń sanaty eskeriledi. Mysaly, bazalyq zeınetaqy tólemin taǵaıyndaý kezinde azamatqa sondaı-aq: yntymaqty zeınetaqy tólemi, ekologıalyq ústemeaqy jáne t. b. taǵaıyndalýy múmkin.
«Birinshi kezeńde biz zeınetaqy tólemderi men ekologıalyq ústemeaqyny biriktirdik. Tek maýsym aıynda únemdeý 384,2 mln teńgeni qurady, al bolashaqta biz shamamen 4,5 mlrd teńgege respýblıkalyq búdjettiń jyl saıynǵy únemdelýin kútemiz. Bul baǵyttaǵy jumystar jalǵasatyn bolady», – dedi Eńbek jáne halyqty áleýmettik qorǵaý vıse-mınıstri Erbol Ospanov.