Buǵan deıin ol «T. Júrgenov atyndaǵy Qazaq ulttyq óner akademıasy» RMM rektory qyzmetin atqarǵan.
QR mádenıet jáne sport mınıstriniń buıryǵymen Aqan Jylqyshybaıuly Abdýalıev Qazaqstan Respýblıkasy Mádenıet jáne sport mınıstrliginiń Mádenıet komıtetiniń tóraǵasy laýazymyna taǵaıyndaldy dep habarlaıdy Almaty-akshamy.kz Primeminister.kz saıtyna silteme jasap.
Aqan Abdýalıev 1975 jyly Almaty oblysynda dúnıege kelgen. Qurmanǵazy atyndaǵy Qazaq ulttyq konservatorıasyn, Almaty ekonomıka jáne statısıka akademıasyn, İ. Jansúgirov atyndaǵy Jetisý memlekettik ýnıversıtetin támamdaǵan.
Eńbek jolyn 1996 jyly Súıinbaı atyndaǵy Almaty oblystyq fılarmonıasynyń oryndaýshysy qyzmetinen bastaǵan.
2003-2004 jyldary — «Qazaqkonsert» RMQK oryndaýshysy.
2005-2007 jyldary — «J. Elebekov atyndaǵy respýblıkalyq estrada jáne sırk koleji» RMQK oqytýshysy.
2007-2008 jyldary — «Qurmanǵazy atyndaǵy Qazaq ulttyq konservatorıasy» RMM oqytýshysy.
2008-2015 jyldary — «A. Jubanov atyndaǵy Daryndy balalarǵa arnalǵan respýblıkalyq qazaq mamandandyrylǵan mýzyka mektep-ınternaty» RMM dırektorynyń orynbasary; dırektory.
2015-2016 jyldary — «Jambyl atyndaǵy Qazaq memlekettik fılarmonıasy» RMQK dırektory.
2016-2018 jyldary — Almaty oblysy mádenıet, arhıv jáne qujattama basqarmasynyń basshysy.
2018-2019 jyldary — Almaty oblysy ákiminiń orynbasary.
2019 jylǵy tamyz aıynan bastap qazirgi ýaqytqa deıin — «T. Júrgenov atyndaǵy Qazaq ulttyq óner akademıasy» RMM rektory.