Otyrysta 2020 jylǵy respýblıkalyq búdjettiń atqarylýy týraly esep tyńdalady.
Búgin Májilis Spıkeri Nurlan Nyǵmatýlınniń tóraǵalyǵymen Palata Búrosy ótip, onda aldaǵy jalpy otyrystyń kún tártibi naqtylandy dep habarlaıdy Almaty-akshamy.kz Parlam.kz saıtyna silteme jasap.
Búro otyrysynda Nurlan Nyǵmatýlın aldaǵy ýaqytta ótetin Parlament palatalardyń birlesken otyrysyna nazar aýdaryp, onda Úkimet pen Esep komıtetiniń 2020 jylǵy respýblıkalyq búdjettiń atqarylýy týraly esepteri tyńdalatynyn atap ótti.
Sonymen qatar, otyrysta depýtattar qaraýyna sot-saraptama qyzmeti máseleleri boıynsha ózgerister men tolyqtyrýlar engizý týraly zań jobasyn I oqylymda qaraý usynyldy. Depýtattar ázirlegen zań jobasy kásibı kórsetiletin sot-saraptamalyq qyzmetterdiń básekeles naryǵyn damytý úshin jaǵdaı jasaı jasaýǵa baǵyttalǵan.
Sondaı-aq, depýttattarǵa zıatkerlik menshik calasyndaǵy zańnamany jetildirý máseleleri boıynsha zań jobasyn I oqylymda qaraý usynyldy. Atalǵan zań jobasy zıatkerlik menshik quqyǵyn qorǵaýdy kúsheıtýge jáne zıatkerlik menshik salasyndaǵy daýlardy obektıvti sheshý úshin jaǵdaı jasaýdy kózdeıdi.