11 aıdaǵy taza ósim 22,5%-dy qurady.
2024 jyldyń 11 aıynda qazaqstandyqtardyń zeınetaqy jınaqtary 4 trln teńgege ósip, 21,9 trln teńgege jetken, dep habarlaıdy aqshamnews.kz
Zeınetaqy qoryndaǵy aktıvterge 11 aıda 2,7 trln teńge ınvestısıalyq tabys eseptelgen. 11 aıdaǵy ósim 29,5%-ǵa teń. Investısıalyq portfeldiń basym bóligin memlekettik baǵaly qaǵazdar men Qazaqstan emıtentteriniń korporatıvtik baǵaly qaǵazdary quraıdy. BJZQ aktıvin negizinen Ulttyq bank basqarady.
Al ınvestısıalyq portfeldi basqarýshylarǵa zeınetaqy jınaǵynyń 63,2 mlrd teńgesi basqarýǵa berilgen.
«Biryńǵaı jınaqtaýshy zeınetaqy qoryna» el boıynsha 12,3 mln adam zeınetaqy jarnasyn aýdarady. Onyń basym bóligi mindetti zeınetaqy jarnalaryn aýdaratyndar: 11 129 442. Erikti zeınetaqy jarnasyn tóleıtinderdiń qatary 436 myńǵa jetse, 68 myńnana asa adamǵa mindetti kásiptik zeınetaqy jarnalary aýdarylady.
Qazaqstandyqtar zeınetaqy jınaqtarynyń 4,33 trln teńgeden asatyn mólsherin turǵyn úı jaǵdaıyn jaqsartýǵa jáne emdelýge paıdalandy.