Jalǵan aqparat – shyndyqqa saı kelmeıtin ne qamtylǵan faktiler burmalanǵan, dáıeksiz, negizsiz jáne qoǵam arasynda jalǵan túsinik qalyptastyratyn aqparattar.
Sharıǵatymyzda jalǵan aqparat taratý adamgershilikke jat ári úlken kúná bolyp tabylady, dep habarlaıdy aqshamnews.kz
Óıtkeni jalǵan aqparat taratý adamdar arasyndaǵy senim men dostyqty buzyp, qoǵamda daý-damaı men arazdyq týdyryp, búlikke jol ashady.
Jalǵan aqparat taratýdyń kúná ári aram ekeni Quranda da, Paıǵambarymyzdyń (oǵan Allanyń salaýaty men sálemi bolsyn) hadısterinde de anyq aıtylǵan. Alla Taǵala Quranda: «Sonda sender ony tilderińmen taratyp, aýyzdaryńmen ózderiń esh bilmeıtin nárseni aıttyńdar da, ony jeńil dep eseptedińder, al ol – Allanyń aldynda asa zor (kúná)», – degen. Paıǵambarymyz (oǵan Allanyń salaýaty men sálemi bolsyn) bir hadısinde: «Árbir estigenin aıtý kisige kúná retinde jetkilikti», – degen. Sol sebepti kez kelgen habardy anyqqanyǵyna jetpeı turyp taratýǵa tyıym salynady.
Alla Taǵala Quranda: «Óziń naqty bilmeıtin nárseniń (málimettiń) sońyna túspe (ıaǵnı bilmegendi bildim, kórmegendi kórdim, estimegendi estidim dep aıtpa). Shyndyǵynda adam balasy qulaq, kóz jáne júrek syndy dene múshelerin qalaı basqarypqoldanǵanyna qatysty (Allanyń aldynda) jaýapqa tartylady», – degen. Demek jalǵan aqparat taratý – adamgershilikke jat ári úlken kúná. Sharıǵatymyzda jalǵan aqparat taratýǵa qatań túrde tyıym salynady. Sol sebepti musylman adam estigen habarynyń shyndyǵyna kóz jetkizbesten ony bireýge aıtýdan tyıylýy tıis.