2024 jylǵy 1 qańtardan bastap jumys berýshiniń mindetti zeınetaqy jarnalaryn óz qarajaty esebinen 2024 jyl men 2028 jyl aralyǵynda kezeń-kezeńimen 1,5% - dan 5% - ǵa deıin jumyskerleriniń paıdasyna aýdarý josparlanýda. Osylaısha, zeınetkerlikke shyqqan kezde bul jumyskerler qosymsha jınaqtaýshy zeınetaqy tólemimen qamtamasyz etiletin bolady.
Bul shara qazaqstandyqtardyń jas býynyn qoldaýǵa baǵyttalǵan, olardyń zeınetaqy mólsheri olardyń zeınetaqy aýdarymdaryna tikeleı baılanysty bolady. Olardyń zeınetaqysy úsh komponentten: memleketten bazalyq zeınetaqy, jınaqtaýshy zeınetaqy – Biryńǵaı jınaqtaýshy zeınetaqy qoryna aýdarymdar esebinen jáne shartty-jınaqtaýshy zeınetaqy – jumys berýshilerdiń jarnalary esebinen quralady.
JMZJ engizý, ásirese, yntymaqty ótili joq (1998 jylǵa deıin) nemese yntymaqty júıedegi ótili az azamattar úshin ózekti.
Osylaısha, álemdik tájirıbeni eskere otyryp, azamattardy zeınetaqymen qamsyzdandyrý úshin memlekettiń, jumys berýshiniń jáne qyzmetkerdiń qatysýymen ortaq jaýapkershiligi bolady.
Salyq kodeksine sáıkes salyq salynatyn tabystan shegerimge jatqyzylǵandyqtan, tıisinshe jumys berýshiniń JMZJ tóleý boıynsha shyǵystary tıimdi deńgeıde qalatynyn atap ótý qajet.