"ArselorMıttal Temirtaý" baspasóz qyzmeti osyndaı habarlama taratty.
"ArselorMıttal Temirtaý" AQ Kostenko shahtasynda qaza tapqandardyń otbasy men zardap shekkenderge jan-jaqty kómek kórsetetinin málimdedi, dep habarlaıdy Almaty-akshamy.kz
"Bul – áriptesterdiń otbasy úshin, bárimiz úshin úlken qaıǵy. Shahtada qutqarý jumystary jalǵasýda, 25 shahter áli tabylǵan joq, 21-iniń qaza tapqany rastaldy. Jaqyndarynan aıyrylǵandardyń otbasylaryna shyn júrekten kóńil aıtamyz", – delingen habarlamada.
Kompanıa ókilderi barlyq zardap shekken qyzmetkerler keshendi kútim men ońaltý kómegin alatynyn aıtty.
"Bizdiń kúsh-jigerimiz dál osyǵan, sondaı-aq memlekettik organdarmen tyǵyz yntymaqtastyqqa baǵyttalǵan", delingen "ArselorMıttal Temirtaý" AQ baspasóz qyzmeti taratqan habarlamada.