Densaýlyq saqtaý mınıstrligi zardap shekkenderge konsýltasıalyq kómek kórsetý úshin quramynda toksıkolog, travmatolog-ortoped jáne neırohırýrg bar joǵary dárejeli dárigerler tobyn Qaraǵandyǵa jiberedi, dep habarlaıdy almaty-akshamy.kz
Zardap shekken kenshilerdiń ómiri men densaýlyǵyn saqtaý úshin salanyń úzdik mamandaryn tarta otyryp, barlyq qajetti medısınalyq kómek kórsetiledi.
Qazirgi ýaqytta 18 adam prof. H. J. Maqajanov atyndaǵy kópbeıindi aýrýhanaǵa jetkizildi, onyń 17-si stasıonarlyq emdeýge jatqyzyldy, 1 zardap shegýshi ambýlatorıalyq emdelýde. Jeńil jáne ortasha aýyrlyqtaǵy ýly gazdarmen ýlanýdan zardap shekken 15 adam aýrýhananyń toksıkologıa bólimshesinde emdelýde. Bir adam polıtravmamen reanımasıa jáne qarqyndy terapıa bólimshesinde, jaǵdaıy aýyr, turaqty, esinde.
Jaǵdaıy ortasha aýyrlyqtaǵy taǵy bir zardap shegýshi travmatologıa bólimshesinde medısınalyq kómek alady.