Qaraǵandyda shahtadaǵy apattan qaza tapqandar sany kóbeıdi.
24 kenshini izdeý jumystary jalǵasyp jatyr, dep habarlaıdy Almaty-akshamy.kz
«Qaraǵandy oblysynda Kostenko atyndaǵy shahtada bolǵan apattan keıin qutqarýshylar 22 kenshiniń máıitin tapty», dep habarlaıdy oblystyń tótenshe jaǵdaılar departamenti.
Qaraǵandy oblysy tótenshe jaǵdaılar departamentiniń basshysy Murat Qatpanovtyń aıtýynsha, apat Astana ýaqytymen saǵat 02.33-te shamamen 700 metr tereńdikte bolǵan.
"Qazirgi ýaqytta 22 adamnyń máıiti tabyldy, 24 kenshini izdeý jalǵasyp jatyr", - dep jazylǵan habarlamada.
Kostenko atyndaǵy shahtadaǵy qutqarý jumystary eki ken óndirý ornynda júrgizilip jatyr.
Qutqarýshylardyń aıtýynsha, kózge kórinetin órt oshaqtary joq.
«Gaz jaǵdaıy baqylaýda, synamalar alynyp, máıitterdi jer betine alyp shyǵý jumystary júrgizilip jatyr. Jekelegen oryndarda kómirtegi totyǵynyń konsentrasıasy ruqsat etilgen normadan asyp ketken», dep habarlady vedomstvo ókilderi.