Ofıserler zańnamada belgilengen tártippen eki jyl qyzmet etedi.
Úkimet basshysy Álıhan Smaıylov zapastaǵy ofıserlerdi áskerı qyzmetke shaqyrý týraly qaýlyǵa qol qoıdy, dep habarlaıdy Almaty-akshamy.kz QR Premer-Mınıstriniń resmı saıtyna silteme jasap.
Qaýlyǵa sáıkes, ofıserler quramynyń laýazymdarynda áskerı qyzmet ótkerý úshin áskerı qyzmetke jaramdy jáne ony ótkermegen zapastaǵy ofıserler zańnamada belgilengen tártippen 2022 jyly eki jyl merzimge shaqyrylady.
Qaýlyǵa jalǵanǵan qosymshada kórsetilgendeı, áskerı qyzmetke shaqyrylatyn zapastaǵy ofıserler sany: Qarýly Kúshterge - 150, Ulttyq qaýipsizdik komıtetiniń shekara qyzmetine - 40.
Qaýly 2012 jylǵy 16 aqpandaǵy QR «Áskerı qyzmet jáne áskerı qyzmetshilerdiń mártebesi týraly» zańynyń 32-babyna sáıkes qabyldanǵan. Alǵashqy resmı jarıalanǵan kúnnen keıin kúntizbelik on kún ótken soń qoldanysqa engiziledi.