Búgin Nur Otan partıasynyń kezekten tys HHİİ sezi onlaın formatta ótti. Oǵan elimizdiń túkpir-túkpirinen 393 delegat qatysty. Sıeze partıanyń Saıası keńesiniń quramyna ózgerister engizilip, Nur Otan partıasyn modernızasıalaý baǵytyndaǵy jospar usynyldy.
Partıanyń atqarýshy hatshysy Asqat Oralov saıası uıymnyń jumysyn jandandyratyn 7 basymdyqty atap ótti. Olar: Halyqpen qarym-qatynasta keri baılanys effektıvtiligin arttyrý; Jergilikti jerdegi partıa ókildikteriniń bedelin kóterý; Partıa jumysynda ashyqtyqty qamtamasyz etý; Partıalyq baqylaýdy arttyrý; Partıa bergen ýádeleriniń naqty iske asýy; Qoǵamnyń ár salasymen baılanys ornata bilý; Jas Otan Jastar qanatyn qaıta jańǵyrtý.
Parlament Májilisindegi Nur Otan partıasy fraksıasynyń tóraǵasy Erlan Qoshanov partıa ataýyn «Amanat» dep ózgertý týraly usynys bildirdi. Memleket basshysy, partıa Tóraǵasy Qasym-Jomart Kemeluly Toqaev bul usynysqa qoldaý bildirdi, partıanyń jańa ataýyn sıez delegattary da biraýyzdan qoldady. Jıynda partıanyń Jarǵysyna tıisti ózgerister engizilip, jańa ataýy men belgisi bekitildi.
– Biz «Jańa Qazaqstandy» qurýǵa kiristik. Bul – óte aýqymdy mindet. Partıa barlyq reformaǵa uıytqy bolýǵa tıis. Ol úshin ózgeristi aldymen ózimizden bastaýymyz kerek. Sondyqtan búgingi kún tártibindegi negizgi másele – partıany jańǵyrtý. Zaman, qoǵam, adam ózgerip jatqanda, partıanyń ózgerýi – zańdylyq. Saıası uıymnyń ataýyn «Amanat» dep ózgertý usynyldy. Birneshe usynys boldy, sonyń ishinen Amanat degen ataýǵa toqtadyq. Bul – elimiz úshin de, ultymyz úshin de aıryqsha máni bar kıeli uǵym. Egemendigimiz, eldigimiz ben birligimiz, keń-baıtaq jerimiz – bizge babalardan jetken amanat. Osy qasterli qundylyqtarymyzdy kózdiń qarashyǵyndaı saqtap, bolashaqqa mıras etýimiz kerek. Memlekettilik dástúr jalǵastyǵy, urpaq sabaqtastyǵy degenimiz – mine, osy. Halqymyz eshqashan amanatqa qıanat jasamaǵan. Partıa bul qaǵıdatty berik ustanady, – degen Qasym-Jomart Toqaev partıa jumysyn júıeleý baǵytynda birqatar tapsyrma berdi.
AMANAT – babalardyń bizge jetken murasyn bolashaqqa jetkizýdegi altyn kópir.
AMANAT – memleketimizdiń múddesi úshin tarıhı jaýapkershilik.
AMANAT – halyq murasyn saqtaýshy.
AMANAT – memlekettik múddege adal, qoǵam ıgiligine jumys jasaý.
Osyndaı «amanat júgin arqalaǵan» elimizdiń bas partıasyna, Memleket basshysy Q.K.Toqaevtyń el úshin jasap jatqan ıgi isterine sáttilik tileımnin. Alǵa qoıǵan maqsatqa jetý jolynda jańarǵan partıamyz barlyq reformalardy júzege asyra otyryp, Prezıdentke qoldaý kórsetedi.