QR Premer-Mınıstri Álıhan Smaıylov ortalyq memlekettik organdar, Prezıdent Ákimshiligi, Ulttyq bank jáne Bas prokýratýra basshylarynyń qatysýymen Ekonomıkalyq saıasat jónindegi keńestiń otyrysyn ótkizdi, dep habarlaıdy Almaty-akshamy.kz primeminister.kz. silteme jasap.
Qatysýshylar Prezıdent alǵa qoıǵan mindetterge sáıkes ázirlengen elden zańsyz shyǵarylǵan aktıvterdi memleketke qaıtarý týraly zań jobasyn qarady. Onda aktıvterdi zańsyz shyǵarýǵa yqpal etken sharttardy joıýǵa, olardy erikti túrde qaıtarýdy yntalandyrýǵa nemese májbúrli túrde qaıtarý bastamasyn kóterýge jáne t. b. baǵyttalǵan normalar qarastyrylǵan.
Ýákiletti memlekettik organdardyń málimetterin taldaý nátıjeleri boıynsha aktıvter týraly arnaıy deklarasıany tapsyratyn tulǵalardyń shekteýli tizilimin qurý josparlanýda. Aktıvterdiń ıesi olardyń shyǵý tegin rastaı almaǵan jaǵdaıda, negizsiz satyp alynǵan dep tanylady jáne memleket kirisine aınalady. Kelip túsetin aktıvterdi Qazaqstan halqynyń ál-aýqatyn arttyrýǵa baǵyttalǵan jobalardy qarjylandyrý úshin paıdalaný kózdelgen. Premer-Mınıstr Ádilet mınıstrligine aıtylǵan pikirler men eskertýlerdi eskere otyryp, zań jobasyn muqıat pysyqtaýdy jalǵastyrýdy tapsyrdy.
Sonymen qatar otyrysta aýyl sharýashylyǵyndaǵy ınvestısıalyq jobalardy iske asyrý máseleleri talqylandy.