QR Premer-Mınıstri Álıhan Smaıylov taý-ken metalýrgıa kompanıalary qyzmetiniń ózekti máseleleri boıynsha keńes ótkizdi.
Qatysýshylar Qazaqstan aýmaǵyndaǵy gaz salasynda Eurasian Resources Group-tyń («Eýrazıalyq top» JSHS) jańa ınvestısıalyq jobalaryn iske qosý josparlaryn, sondaı-aq temirjol ınfraqurylymyn damytý jobalaryn talqylady, dep habarlaıdy Almaty-akshamy.kz QR Úkimetiniń resmı saıtyna silteme jasap.
Premer-Mınıstr óńirlik operatorlardyń kómirdi bólý jónindegi qyzmetin taldaý jáne basy artyq deldaldardy aınalyp ótip, áleýmettik obektiler men halyqqa tikeleı óndirý oryndarynan otyn jetkizýdiń jańa tetigin pysyqtaý qajettigin atap ótti.
Sondaı-aq qazaqstandyq jáne ózbek ınvestorlarynyń qatysýymen eki eldiń temirjoldary arqyly júk tasymaldaýdy júzege asyrý úshin birlesken kásiporyn qurý máseleleri talqylandy.
Keńeske Qarjy, Energetıka, Indýstrıa jáne ınfraqurylymdyq damý mınıstrlikteriniń, «Qazaqstan temir joly», «QazaqGaz» ulttyq kompanıalarynyń jáne ERG kompanıasynyń basshylary qatysty.