Endi balalarǵa túski asty úıinen alyp kelýge bolady
Osyǵan baılanysty Elordadaǵy bilim oshaqtary tońaztqysh, jylytqysh syndy qurylǵylarmen jabdyqtalyp jatyr. Jańa erejege barlyq mektepter beıimdelip úlgerdi me?
Saıda 8 synypta oqıdy. Bes jyl boıy gımnastıkamen jáne bımen aınalysyp júr. Salaýatty ómir saltyn ustanyp, durys tamaqtanýdy qolǵa alǵan. Oqýshynyń túski as mázirine tek qaınatylǵan taǵamdar, kókónis, jemis jáne aqýyz kiredi. Mektepke úıden ákeletin tamaqqa shekteý joq. Balalardyń túski asy tekserilmeıdi. Sebebi ony ata-analar oqýshynyń talǵamyna saı salyp beredi.
- Bul bastama negizinen densaýlyǵyna baılanysty belgili bir dıetany qajet etetin balalarǵa arnalǵan. Álemniń kóptegen elderinde balalar mektepke túski asty úıinen alyp keledi. Osyǵan baılanysty biz mekteptegi túski as máselesine ózgeris engizdik. Endi oqýshylar ózderiniń tamaqtaryn asqanada otyryp ishýge quqyly, - deıdi QR Oqý-aǵartý mınıstrligi Balalardy áleýmettik-quqyqtyq qorǵaý basqarmasynyń basshysy Dana Maqtaeva.
Kóp uzamaı eldegi mektepterdiń barlyǵy jańa erejege beıimdeledi. Asqanalar da jumysyn jalǵastyra beredi. Sondyqtan balaǵa túski as berý nemese túski astyń aqshasyn berýdi ata-ananyń ózi sheshedi.