Almaty qalasynyń ortalyǵynda ornalasqan zańsyz saýda pavılondary buzylady, dep habarlaıdy Almaty-akshamy.kz
Almaty qalasy qala qurylysyn baqylaý basqarmasynyń aqparaty boıynsha, Dostyq dańǵyly 170/1 mekenjaıy boıynsha ýchaskedegi saýda nysandary zańsyz salynǵan. Osy saýda pavılondaryn buzý týraly sheshimdi sot aǵymdaǵy jyldyń 2 mamyrynda shyǵardy jáne sot sheshimin oryndaý úshin dúńgirshekterdi bólshekteý jumystary bastaldy.
Sol ýchaskede ornalasqan ǵımaratty buzý boıynsha sot prosesteri de aıaqtaldy.
Buǵan deıin basqarma menshik ıesine qatysty 2022 jylǵy 28 qazanda Medeý aýdandyq sotyna buzý týraly talap aryz bergen bolatyn. Aǵymdaǵy jyldyń 9 maýsymda sot sheshimimen buzý talaby qanaǵattandyryldy. 2023 jylǵy 29 tamyzda Almaty qalalyq sotynyń qaýlysymen Medeý aýdandyq sotynyń sheshimi ózgerissiz qaldy.
Qazirgi tańda atqarý paraǵy Ádilet departamentinde oryndaýda.