2023 jylǵy 1 jeltoqsanǵa deıingi jaǵdaı boıynsha jergilikti atqarýshy organdardyń ruqsatymen Qazaqstan aýmaǵynda 13 870 shetel azamaty eńbek etedi.
Eńbek mıgranttary keletin negizgi elder: Qytaı – 4 131 adam (29,7%), Úndistan – 1 281 adam (9,2%), Túrkıa – 1 249 adam (9%), Ózbekstan – 969 adam (6,9%), dep habarlaıdy almaty-akshamy.kz.
Shetel jumys kúshin (budan ári – SHJK) tartýǵa ruqsattardyń arasynda mynadaı sanattar bar:
- basshylar men olardyń orynbasarlary úshin 374 ruqsat (birinshi sanat),
- qurylymdyq bólimshelerdiń basshylary úshin 2 742 ruqsat (ekinshi sanat).
Tartylǵan SHJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 6 124 jáne 637 adam. Sonymen qatar maýsymdyq jumystarǵa 2 183 adam, al korporatıvtik aýystyrý aıasynda 1 810 adam tartyldy.
"Qazir Qazaqstanda SHJK paıdalanatyn 1 690 jumys berýshi bar. Olarda 464 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 97%-y. Ekonomıkalyq qyzmet túrleri boıynsha eń kóp jumys isteıtinder qurylys salasynda – 3 460 adam (24,9%), aýyl, orman jáne balyq sharýashylyǵy – 1 649 adam (11,8%), óńdeý ónerkásibi – 1 300 adam (9,3%), taý – ken ónerkásibi jáne karerlerdi qazý – 1 266 adam (9,1%), kásibı, ǵylymı jáne tehnıkalyq qyzmet – 782 adam (5,6%)".Eńbek jáne halyqty áleýmettik qorǵaý mınıstrligi
İshki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıdi jáne bóledi. 2023 jyly jalpy kvota respýblıkadaǵy jumys kúshiniń sanyna qatysty 0,24% nemese 22 260 birlik mólsherinde belgilendi.