Almatyda 1600-den astam kásipkerdiń quqyǵy qorǵaldy
Almaty qalasynyń Sybaılas jemqorlyqqa qarsy qyzmeti «Bızneske jol» jobasyn iske asyrý sheńberinde 99 kezdesý ótkizdi, 1600-den astam kásipkerdiń quqyǵy qorǵalyp, 38 keıs sheshildi.
Kásipkerlik qyzmetke aralasqany úshin 3 laýazymdy tulǵa ÁQBtK-niń 173-baby boıynsha ákimshilik jaýapkershilikke tartyldy. 7 fakt boıynsha ÁQBtK-niń 465-baby boıynsha ruqsat berý tártibi men merzimin buzǵany úshin 4 adam jaýapqa tartyldy.
Qalalyq sybaılas jemqorlyqqa qarsy vedomstvo atap ótkendeı, kásipkerler JAO, Memlekettik kirister basqarmasy, «Azamattarǵa arnalǵan úkimet» memlekettik korporasıasy jáne basqa da uıymdardyń qyzmetkerleri tarapynan olardyń quqyqtaryn buzý faktisi boıynsha jıi júginedi. Mysaly, Sybaılas jemqorlyqqa qarsy departamentine kásipker kásipkerler keńsesine qarama-qarsy «Turaqqa tyıym salynǵan» jol belgisin zańsyz ornatý faktisi boıynsha júgindi.
Resmı tirkeýsiz ornatylǵan jol belgisi belgilengen tártipti buzyp, JSHS qyzmetkerleri men klıentterine turaq qoıý múmkindigin shektedi, osylaısha kásipkerlik qyzmetke kedergi keltirdi. Osy buzýshylyq anyqtalǵannan keıin qalalyq sybaılas jemqorlyqqa qarsy vedomstvo Almaty qalasy polısıa departamentiniń atyna hat joldap, nátıjesinde zańsyz ornatylǵan jol belgisi alynyp tastaldy.