Memlekettik kirister komıteti osy jyldyń 1 qarashasynan bastap Qazaqstan-Reseı shekarasynda «Bıdaıyq» avtomobıl ótkizý pýnktinde (Soltústik Qazaqstan oblysy) elektrondyq kezek júıesi qoldanylatynyn eske salady.
Servıs Qoldau.kz sıfrlyq platforma bazasynda jáne tegin iske asyrylady, dep habarlaıdy almaty-akshamy.kz.
Elektrondyq kezek shekaradan ótýdiń jedeldetedi. Ári ashyqtyqty ustanýdyń úlgisi. Sonymen qatar, júk avtomashınalarynyń kenzekke turyp qalýyn boldyrmaıdy. Elektrondyq kezekti engizýdi tasymaldaýshylar oń baǵalaýda – elektrondyq kezek engizilgennen bastap «Bıdaıyq» ótkizý pýnktinde 1 myńnan astam júk avtomashına aldyn ala kezek alǵan. Oń nátıjelerdi eskere otyryp, Reseı Federasıasymen shekaradaǵy 7 avtomobıl baqylaý-ótkizý pýnktinde qosymsha elektrondyq kezekti qoldaný josparlanǵan.
Sonymen: 2024 jylǵy 15 qańtardan bastap «Qarashataý» (Aqtóbe obl.) jáne «Jezkent» (Abaı obl.) baqylaý-ótkizý pýnkti;
2024 jylǵy 31 qańtardan bastap «Úbe» (Shyǵys Qazaqstan obl.) jáne «Aqsaı» (Batys Qazaqstan obl.) baqylaý-ótkizý pýnkti;
2024 jylǵy 15 aqpannan bastap «Obaǵan» (Qostanaı obl.) jáne «Naıza» (Pavlodar obl.) baqylaý-ótkizý pýnkti;
2024 jylǵy 30 sáýirden bastap «Qurmanǵazy» baqylaý-ótkizý pýnkti (Atyraý obl.).
Osyǵan baılanysty, atalǵan avtomobıl ótkizý pýnktteri arqyly Qazaqstan aýmaǵynan shyǵýdy josparlaǵan tasymaldaýshylar «CarGoRuqsat» qosymshasy arqyly elektrondyq kezekten aldyn ala oryn alýy qajet. Ol úshin https://cgr.qoldau.kz/ru/start silteme boıynsha ótý kerek, «CarGoRuqsat» qosymshasyna tirkelý jáne kirý, qajetti baqylaý-ótkizý pýnktin tańdaý, shekaradan kesip ótý kúni men ýaqytyn kórsetý jáne júrgizýshi men avtokólik týraly derekterdi toltyrý. Ótinim maquldanǵannan keıin shekaradan ótý úshin baqylaý-ótkizý pýnktine kórsetilgen ýaqytynda jetýi qajet. Kútpegen jaǵdaılardy boldyrmaý úshin Memlekettik kirister komıteti tasymaldaýshylardy elektrondyq kezekti aldyn ala brondaýǵa shaqyrady.
Barlyq suraqtar boıynsha MKK Sall-ortalyǵyna 1414, 8-800-080-7777 telefondary arqyly habarlasýǵa bolady.