Qazaqstan Respýblıkasy Konstıtýsıasy kúni. Osyǵan oraı Bilim jáne ǵylym mınıstri Asqat Aımaǵambetov qazaqstandyqtardy merekemen quttyqtady, dep habarlaıdy Almaty-akshamy.kz.
Mınıstr quttyqtaý sózin Facebook-tegi paraqshasynda jazdy.
«Qazaqstan Respýblıkasynyń Konstıtýsıasy kúni qutty bolsyn! Konstıtýsıa árbir azamattyń quqyqtary men bostandyǵynyń múltiksiz saqtalýyna kepildik beredi. Zań qaǵıdalary alǵa jyljýymyzǵa, aýqymdy jobalardy iske asyrýǵa, sondaı-aq halyqtyń ómir súrý deńgeıi men sapasyn arttyrýǵa múmkindik beredi. Mereke kúni barshańyzǵa amandyq, beıbit aspan, barlyq bastamańyzǵa tolaǵaı tabys tileımin! Halqymyzdyń zań ústemdigine umtylysy árqashan zor bolsyn!», - dep jazdy Aımaǵambetov.