Elbasy kitaphanasy Konstıtýsıanyń alǵashqy qabyldanǵan sátinen tarıhı beınederek jarıalady.
Qazaqstan Konstıtýsıasynyń qabyldanǵanyna 26 jyl tolýyna oraı Elbasy kitaphanasy N.Á. Nazarbaevtyń jeke arhıvindegi qujattar men materıaldar negizinde elimizdiń basty zańyn daıyndaý tarıhynan syr shertetin beınerolık daıyndady, dep habarlaıdy Almaty-akshamy.kz.
1995 jylǵy 30 tamyzda búkilhalyqtyq referendýmda Qazaqstan Konstıtýsıasy qabyldandy. Eldiń basty qujatynda Qazaqstan demokratıalyq, zaıyrly, quqyqtyq jáne áleýmettik memleket retinde kórsetilgen, onyń eń qymbat qazynasy – adam jáne adamnyń ómiri, quqyqtary men bostandyqtary bolyp sanalady.
Konstıtýsıany ázirleý jáne qabyldaý Qazaqstan Táýelsizdiginiń qalyptasý jolyndaǵy sheshýshi sátterdiń biri boldy.
Elbasy N.Á. Nazarbaev óz sózinde: «Bizdiń Negizgi Zańymyzda tabysty damý úshin de, Ulttyń ózdi-ózinen jańarýy úshin de barlyq quqyqtyq quraldar bar. Biz aldymyzǵa jahandyq maqsat – ǵasyrdyń ortasyna qaraı, 2050 jylǵa deıingi kezeńge ázirlengen strategıalyq baǵdarlama negizinde Qazaqstandy álemniń neǵurlym damyǵan 30 eliniń birine aınaldyrý maqsatyn qoıdyq», – degen bolatyn.