Qazaqtyń beldi azamaty, tanymal saıası tulǵa Zamanbek Nurqadilovtiń birinshi jary Nurbıke Nurqadilova ómirden ótti, dep habarlaıdy aqshamnews.kz.
Bul týraly marqumnyń qyzy Quralaı Nurqadilova óziniń Instagram-daǵy paraqshasynda jazdy.
Búgin túnde elimiz úshin úlken tulǵa bolǵan adam ómirden ótti. Zamanbek Nurqadilovtiń qalyptasýy jolynda onyń serigi bolǵan, janynan tabylǵan áıel. Aqyldy, bilimdi jáne saıası saýatty, sóıte tura óte qarapaıym ári zıaly Nurbıke İlimbaıqyzy baqılyqqa attandy. Anam týraly kóp aıtýǵa bolady. Osy ýaqyt aralyǵynda ol KSRO zamanyndaǵy jáne odan keıingi el týraly kóp maǵlumat aıta alýshy edi. Kóptegen jas saıasatkerler anamnyń maquldaýynan ótetin. Ol tarıhı faktilerdi óz kózimen kórgen, ony keremet qyzyqty etip baıandaıtyn. Anamdy biletinder onyń danalyǵyna tánti bolatyn.
Imandy bol, anashym, men qolymnan kelgenniń bárin jasadym, - dep jazdy Quralaı Nurqadilova.