Almaty Qazaqstan qalalarynyń alǵashqysy bolyp qala turǵyndarynyń qaýipsizdigi men jaılylyǵy úshin jańa tehnologıalardy engizdi aqshamnews.kz
Almatyda jasandy ıntellektti paıdalana otyryp, naqty ýaqyttaǵy baqylaý kameralarynan vıdeo sátti qoldanylady. Máselen, 2023 jyly Almaty ákimdigi Qazaqstanda alǵash ret memlekettik bilim berý jáne mektepke deıingi mekemelerde qaýipsizdiktiń keshendi júıesin engizdi, dep habarlaıdy,
Almatynyń oń tájirıbesin qabyldaı otyryp, bul tehnologıa elimizdiń basqa óńirlerinde de qoldanyla bastady. Biryńǵaı vıdeomonıtorıng júıesiniń jobasy 2022 jyly iske qosyldy jáne búginde júıe 45 myń qalalyq kamerany biriktiredi. Kelesi jyldyń sońyna qaraı olardyń sany 70 myńǵa deıin ósedi.
Osy júıeniń arqasynda ótken jyly aýyr qylmys jasady dep kúdiktengen, sondaı-aq izdeýde júrgen ondaǵan adam tabylyp, ustaldy. Júıe izdeýde júrgen adamdar týraly 13 myńnan astam jazbadan turatyn quqyq qorǵaý organdarynyń derekter bazasymen biriktirilgen.
«Júıe izdeýde júrgen adamdy anyqtaǵan kezde jaǵdaı ortalyǵy men polısıa bólimshelerine naqty koordınattardy jiberý arqyly birden habarlaıdy. Bul áreket etý ýaqytyn edáýir qysqartady jáne polısıa jumysynyń tıimdiligin arttyrady», - dedi Almaty qalasynyń sıfrlandyrý basqarmasy.
Sondaı-aq, jasandy ıntellekt algorıtmderi: adamdar tobyn anyqtaýǵa jáne olardyń minez-qulqyn taldaýǵa, kúdikti zattardy anyqtaýǵa, qoǵamdyq oryndardaǵy qarý-jaraq úlgilerin tanýǵa, adamdardy/kólikterdi keskin nemese fotosýret boıynsha izdeýge, jol qozǵalysy erejelerin buzýdy tirkeýge, ot pen tútindi anyqtaýǵa múmkindik beredi.
Qoljetkendermen toqtap qalmaı, qalada jergilikti qyzmetterdiń jumysyn jaqsartatyn vıdeosaraptamanyń jańa túrleri synalýda jáne engizilýde: qoqys jınalatyn oryndardy, tolyp jatqan ýrnalar men konteınerlerdi, qańǵybas janýarlardy anyqtaý, qoǵamdyq kólikterdegi vıdeo aǵyndaryn zertteý, qatty dybystardy tirkeýge arnalǵan aýdıosaraptamany qoldaný.
Búgingi tańda «Keshendi qaýipsizdik júıesi» jobasymen 400-den astam memlekettik mektepter men balabaqshalar qamtylǵan, olardyń barlyǵy sıfrlyq vıdeobaqylaý kameralarymen, vıdeodomofondarmen, betti taný fýnksıasy bar týrnıkettermen, dabyl túımelerimen jáne qalalyq shuǵyl áreket etý qyzmetterine qosylǵan órt dabyly dachıkterimen jabdyqtalǵan.
Qazir jeke bilim berý mekemelerin vıdeokameralar júıesine belsendi qosý júrip jatyr. Aǵymdaǵy jyldyń sońyna deıin barlyq memlekettik medısınalyq mekemelerde osyndaı qaýipsizdik júıesin engizý josparlanýda.