Almatynyń Almaly aýdanynda polıseıler ótip bara jatqan adamdardy tonap júrgen eki jigitti ustady.
Qarańǵy túnde kúdiktiler jalǵyz ótip bara jatqandardyń izine túsip, olardy fızıkalyq kúsh kórsetýmen qorqytyp, dúnıe-múlkin tartyp alǵan: kóbinese telefondar men gadjetter, dep habarlaıdy aqshamnews.kz Polisia.kz-ke silteme jasap.
– Jedel is-sharalardyń nátıjesinde kúdiktiler anyqtaldy jáne ustaldy. Olar – basqa jaqtan kelgender. Tergeýdiń qazirgi kezeńinde olardyń eki qaraqshylyq shabýylǵa jáne úsh bótenniń múlkin urlaýǵa qatysy bar ekendigi belgili boldy. Kúdiktiler qamaýǵa alyndy, – dedi Almaly aýdandyq PB-na qarasty polısıa bóliminiń bastyǵy Baturjan Ábdýmasarov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.