Qazaqstandaǵy Bala quqyqtary jónindegi ýákil Dınara Zákıeva óziniń áleýmettik jelilerinde Almatydaǵy "Baǵanashyl" balalar úıindegi janjalǵa qatysty jaǵdaıǵa baılanysty pikirin jarıalady, - dep habarlaıdy Aqshamnews.kz tilshisi.
"Búgin balalar úıiniń emes, SAN-da turyp jatqan balalar kóshirildi. SAN-da ómirlik qıyn jaǵdaıǵa tap bolǵan jáne oblystyń ártúrli bólikterinen kelgen balalar ýaqytsha turady. Kóktemde balalar men ákimdik arasyndaǵy kezdesýdiń qorytyndysy boıynsha, SAN-da turyp jatqan balalar men mekemeniń ózi kóshetini sheshilgen bolatyn, bul aqparatty men kóktemde jarıalaǵanmyn. Keshe bul týraly oblystyq bilim basqarmasynyń resmı paraqshasynda ákimdik habarlady", - dep jazdy Zákıeva.
Alaıda ol Almaty oblysynyń ákimdigi SAN-da turatyn balalardyń kóshýi kezinde qaýipsizdikti qamtamasyz etpegenin aıtty. Sonyń saldarynan búgin jol berilmeıtin jaǵdaı boldy: balalar úıiniń túlegi qyz esinen tanyp qaldy, bir balanyń aıaǵy jaraqattandy.
"Osy jaǵdaı boıynsha, balalardan kelgen habarlamadan keıin sońǵy apta ishinde birneshe ret ákimdikke júgindim. Alaıda jergilikti atqarýshy organ habardar etpeı, kelisilmegen áreketterdi júzege asyrdy".
Ol barlyq jaǵdaı boıynsha Prezıdent Ákimshiligi tekserý júrgizetinin, arnaıy top qurylatynyn aıtty.