Almaty qalasynyń ákímí Darhan Satybaldy Almaly audanynda kóshpelí jıyn ótkízíp, oǵan audan basshylyǵy, salalyq basqarma ókílderí, kommunaldyq qyzmetter men tıístí ūıymdar qatysty.
Almaly audanynyń ákímí Arman Shamshın audannyń negízgí máselelerín atap ótíp, shūǵyl sheshímdí qajet etetín túıtkíldí tūstarǵa toqtaldy. Onyń aıtuynsha, eń ózektí másele apattyq jaǵdaılar men jóndeu jūmystarynyń kesírínen paıda bolǵan qazylǵan jerlerdíń kóptígí. Búgínde audanda osyndaı 325 uchaske tírkelgen. Olardyń dení «Alatau Jaryq Kompanıyasy» AQ, «Almaty Su» MKK jáne «Almaty jylu júıesí» JShS-na tıesílí. Qalanyń ınjenerlík jelílerí ábden eskírgen, al qazylǵan jerlerdí qalpyna keltíru jūmystary ūzaqqa sozylyp jatyr.
Darhan Satybaldy kóshe boıyndaǵy qazba jūmystary ayaqtalǵan soń jerdí qalpyna keltíru qarqynyna kóńílí tolmaıtynyn aıtyp, barlyq jūmysty 1 qyrkúıekke deıín bítírudí tapsyrdy. Ásírese, «AlJJ» JShS-na jylytu mausymy bastalǵanǵa deıín barlyq aumaqty tolyq qalpyna keltíru míndetteldí.
Jıyn barysynda «Taza Qazaqstan» ūlttyq baǵdarlamasy ayasynda kóshe jaryǵyn ornatu, qalany tazartu jáne kóríktendíru jaıy da sóz boldy. Qala ákímí merdíger ūıymdardyń jūmysyna syn aıtty.
«Bízde barlyq jaǵdaı jasalǵan, júıe bar, qarjy qarastyrylǵan, merdígerler de tańdalǵan. Ókíníshke qaraı, nátıje kóńílden shyqpaı tūr. Merdígerler jauapkershílígín sezínuge tıís, byudjetten bólíngen ár tıyn tek maqsatqa saı jūmsaluy kerek», — dedí qala ákímí.
Sondaı-aq, shahar basshysy «Halyq qatysatyn byudjet» baǵdarlamasy arqyly júzege asyrylǵan jobalardyń sapasyna da kóńílí tolmaıtynyn jetkízdí. Mysaly, 2023 jyly tūrǵyndardyń bastamasymen salynǵan keıbír shaǵyn skverler men demalys oryndary sapasyz bolyp shyqqan: otyrǵyzylǵan aǵashtar qurap qalǵan, abattandyru tez tozyp ketken.
«Qalanyń kórkín jańartyp, kelbetín kórkeıtuímíz kerek. Aula men kósheden bastap, jayau júrgínshí joly men jol tósemíne deıín ūqyptylyq pen jańashyldyq qajet», — dedí qala basshysy.
Jıyn sońynda Darhan Satybaldy abattandyru jūmystaryn ūıymdastyru tásílderín qaıta qarap, jergílíktí ákímdíkterdíń jūmysyn úılesímdí árí tıímdí etu qajettígín atap óttí. Endígí jerde barlyq kezeńde baqylau kúsheıtílíp, merdígerlermen jáne qyzmet kórsetushí ūıymdarmen ózara ís-qımyldyń tıímdí júıesí qūrylmaq.
Kóshpelí jıyn barysynda Almaly audany tūrǵyndardy qabyldau óttí. Tūrǵyndar tūrǵyn úılerdíń sapasy men paıdalanyluy, aulalardy abattandyru, ınfraqūrylym, kommunaldyq qyzmetter jáne qoǵamdyq qauípsízdíkke qatysty máseleler kóterdí. Ásírese, «Arbat», «Nomad-2» jáne «Status» tūrǵyn úı keshenderíndegí qūrylys kompanıyalarynyń uádelerín oryndamauy, Mūqanov kóshesíne qonaqúı salu jospary men polıtsıya tírek punktín halyq tyǵyz qonystanǵan audanǵa kóshíru qajettígí qozǵaldy.
Óz kezegínde Darhan Satybaldy ınjenerlík jáne qūrylys talaptaryna saı kelmeıtín kemshílíkter joıylmaıynsha, jelílerdí qala balansyna qabyldau múmkín emes ekenín aıtty. Al tūrǵyn úılerdí kútíp ūstau máselesí basqarushy kompanıyalar arqyly nemese sot tártíbímen sheshíluge tıís ekenín túsíndírdí.
Tūrǵyndarǵa MIB qūru tártíbí jáne qūrylys kompanıyalaryn túıtkílderdí sheshuge tartu joldary túsíndíríldí. Árbír másele boıynsha naqty ís-sharalar jospary men oryndalu merzímí belgílendí.