«Alatau-Aqparat» medıaholdınginiń fototilshisi, QR Jýrnalıser Odaǵynyń múshesi Samat Qusaıynovtyń «Uly dalanyń salt-dástúrleri» /Türk Yurtlarında Büyük Bozkırın Kültürü/ atty fotokórmesi keshe Ankarada ótti. İs-sharany TÚRKSOI halyqaralyq uıymy men «Alatau-Aqparat» medıaholdıngi birlesip ótkizdi.
Búgin Samattyń fotokórmesi Ystambulda túrik jýrnalısıkasy ustahanasynyń biri sanalatyn Bahchelıevler Aıdyn Doǵan kásibı jáne Anadolý tehnıkalyq lıseıi oqý ornynda ótedi.
Atalǵan oqý ornymen “Alatau-Aqparat” medıaholdıngi arasynda yntymaqtastyq memorandýmy bekitilgen. Bıyl Aıdyn Doǵan oqý ornynda jýrnalısıka boıynsha bilim alyp jatqan úsh stýdent Almatyǵa kelip, “Alatau-Aqparat” medıaholdıngte úsh aı is-tájirıbeden ótti.