Almatyda tikeleı aǵyny bar kólikter men dybys óshirgishterge ornatylǵan rezonatorlardyń jumysyn baqylaý kúsheıtildi, dep habarlaıdy almaty-akshamy.kz qalalyq PD baspasóz qyzmetine silteme jasap.
Bul kólik quraldarynyń qozǵalysy ádette árqashan gýilmen, shýmen jáne azamattardyń tynyshtyǵyn buzatyn basqa da dybystarmen birge júredi
Tájirıbe kórsetkendeı, mundaı buzýshylyqtardy kóbinese moped jáne motosıkl júrgizýshileri jasaıdy jáne olar túnde belsendi bolady.
- Eń kóp zardap shegetinder úıleri qalanyń iri magıstraldaryna jaqyn ornalasqan aýdan turǵyndary. Osyǵan oraı aldyńǵy sheptegi bólimshelerdiń jeke quramy kóliktiń osy túrin anyqtap, ustaýǵa, zańnamaǵa sáıkes sharalar qabyldaýǵa jumyldyrylǵan, - dedi ákimshilik polısıa bsqarmasynyń bastyǵy Asqat Qulbaev.
Sonymen qatar mundaı jaǵdaılarda tynyshtyqty buzǵany úshin sanksıalar qoldanylady. Bul reıdtik is-sharalar turaqty negizde jalǵasady.