Ispanıadaǵy tanymal "Madrıdtikter búkil álemde" telejobasynyń Madrıdte efırge shyqqan jańa shyǵarylymy Qazaqstanǵa arnaldy. Baǵdarlama avtorlary eldiń eń kórikti ári ózindik boıaýy qanyq megapolısteriniń biri retinde Almatyǵa erekshe nazar aýdardy. Bul týraly Almaty qalasy Týrızm basqarmasynyń ókilderi aıtty.
Túsirilim jumystary Almaty Tourism Bureau qoldaýymen ótti. Mekeme teletopqa ilesip, qalanyń týrısik áleýetin tanystyrdy. Shyǵarylymda Voznesenskıı soboryna, Kók bazar jáne Atlético de Madrid fýtbol klýbynyń akademıasy kórsetildi.
Telejoba Almatynyń kúndelikti tynys-tirshiligin, mádenı san alýandyǵyn, salt-dástúri men kórkem tabıǵı kelbetin aıshyqtaıdy. Al jobanyń keıipkerleri – madrıdtik Mıgel, Nıkolas pen Avrora qala men onyń turǵyndary týraly áserin aıtady.
Baǵdarlama Telemadrid telearnasynan kórsetiledi. Ol shetelde ómir súrip nemese saıahattap júrgen ıspandyqtardyń oqıǵasy arqyly kórermenderdi ártúrli elderdiń turmys-tirshiligimen, mádenıeti men ózindik erekshelikterimen tanystyrady.
Qalalyq týrızm basqarmasynyń deregine sáıkes, 2025 jyldyń alǵashqy toǵyz aıynda Almatyǵa kelgen ıspandyq týrıser sany 2024 jyldyń osy kezeńimen salystyrǵanda 37,8 paıyzǵa artqan. Al boljam boıynsha 2026 jyly Almaty shamamen 750 myń sheteldik qonaqty qabyldaıdy. Bul qalanyń halyqaralyq týrısik keńistiktegi bedeliniń artyp kele jatqanyn ańǵartady.