Almatyda qala ákiminiń tapsyrmasymen Boraldaı ózeniniń boıyndaǵy jaıaý júrginshiler aımaǵynyń qurylysy aıaqtalyp keledi
Erbolat Dosaev merdiger eskertýlerdi joıǵanǵa deıin Boraldaı ózeniniń arnasyn abattandyrý jobasyn qabyldamaýdy tapsyrdy, dep habarlaıdy almaty-akshamy.kz
Almaty ákimi Erbolat Dosaev jumys sapary barysynda qalanyń Alataý aýdanyndaǵy Boraldaı ózeniniń boıyndaǵy jasyl aımaqty abattandyrý barysymen tanysty.
Onyń tapsyrmasy boıynsha jaqsy demalysty qamtamasyz etý jáne halyqtyń ómir súrý sapasyn arttyrý maqsatynda Boraldaı ózeniniń boıynda abattandyrylǵan jaıaý júrginshiler aımaǵy uıymdastyrylady. Jańa qoǵamdyq keńistik, eń aldymen, 60 myńnan astam adam turatyn Saıaly, Zerdeli, Kókqaınar jáne Áıgerim shaǵyn aýdandarynyń turǵyndary úshin tartymdy orynǵa aınalady.
Qala basshysyna Alataý aýdanynyń ákimi Azamat Qaldybekov baıandaǵandaı, jobaǵa sáıkes osy aýmaqta qoqys jáshikteri, oryndyqtar, syrtqy jaryqtandyrý baǵanalary, avtokólikke arnalǵan turaqtar ornatyldy, sýarý júıesi salynyp, aılaq jabdyqtalǵan. Qala turǵyndarynyń demalysy úshin fýtbol jáne basketbol alańdary, tenıs ústelderi, skeıt tebý alańy salyndy.
Jergilikti turǵyndarmen kezdesýi barysynda ákimge demalýǵa jaǵdaı jasaǵany úshin alǵys bildirdi.
«Bizdi qalaǵa kirdik. Bir kezderi Qaskeleńge qaraýshy edik. Munda 36 jyldan beri turamyn, birinshi ret halyq úshin osyndaı aýqymdy jumys jasalýda. Bizge maldan qorǵaný qajet, biz ózimiz mal ustamaımyz. Biraq jaqyn mańdaǵy shaǵyn aýdannyń turǵyndary malyn jibere salady. Bizge tártipti baqylaıtyn baqylaýshy kerek», - dedi jergilikti turǵynnyń biri ákimge.
Qala basshysy Erbolat Dosaev aýmaqqa perımetri boıynsha beınebaqylaý kameralary ornatylatynyn atap ótti.
«Alataý aýdanynda demalýshylardyń tártibi men qaýipsizdigin saqtaý úshin qosymsha 900 baqylaý kamerasy ornatylady», - dedi aýdan ákimi Azamat Qaldybekov.
Sondaı-aq, jaǵalaý aýmaǵynda jaqynda jergilikti turǵyndardyń ótinishi boıynsha eki qoǵamdyq dárethana ashylady.
Jalpy, abattandyrý boıynsha jobany júzege asyrý barysymen tanysqan Erbolat Dosaev jumystyń sapasy jóninde birqatar eskertý aıtyp, barlyq kemshilikti pysyqtaýdy jáne nysandy aqaý joıylǵanǵa deıin teńgerimge qabyldamaýdy tapsyrdy.
Sonymen qatar, Erbolat Dosaev Almatyda jaıly qalalyq orta qurý boıynsha belsendi jumys jalǵasatynyn atady.
Esterińizge sala keteıik, megapolıste Naýryzbaı aýdanyndaǵy Qarǵaly ózeniniń jaǵalaýyn qaıta jańartý jumystary júrgizilip jatyr. Jetisý aýdanynda jalpy uzyndyǵy 1 200 metr Esentaı ózeniniń jaǵasynda qurylys jumystary bastaldy. Qaıta jańǵyrtý aıasynda ózen arnasy tazartylyp, serýendeý aımaǵy qurylady.