10-13 maýsym aralyǵynda Abaı oblysyndaǵy «Abaı-SHákárim» memorıaldyq kesheninde XXV respýblıkalyq «Abaı oqýlary» ótedi. Kórkemsóz baıqaýyna 8-11 synyp oqýshylary qatysýda.
Bul týraly Oqý-aǵartý mınıstrligi málimdedi, dep habarlaıdy Almaty-akshamy.kz.
Baıqaýdyń maqsaty - qazaq halqynyń ádebı murasyn dáripteý, mektep oqýshylarynyń klasıkalyq qazaq ádebıetin oqýǵa degen qyzyǵýshylyqtaryn arttyrý, Abaı men Shákárim shyǵarmalaryndaǵy estetıkalyq talǵam men tulǵalyq qasıetti nasıhattaý, ulylar poezıasyna, ulttyń rýhanı murasyna degen súıispenshilikke tárbıeleýıý
Saltanatty sharanyń ashylýynda Oqý-aǵartý mınıstrligi Orta bilim berý komıtetiniń tóraǵasy Qanybek Jumashev jas talanttarǵa sáttilik tiledi.
«Abaı oqýlary oqýshylardyń rýhanı damýyna erekshe áser etetin qoǵamdyq - mádenı shara ekendigi jyl saıyn aıqyndalyp keledi. Elimizdiń túkpir-túkpirinen jas daryndardyń basyn qosatyn kıeli mekende ár qatysýshy sóz óneri shyńynda synalady, qabilet qarymyn arttyrady. Qazirgi jańa býyn Abaı murasynan nár alyp, onyń asyl sózderin, asqaq poezıasyn, tereń fılosofıasyn boıyna sińirip ósýge tıis», - dedi Qanybek Jumashev.
Respýblıkalyq qorytyndy kezeńde 130-dan asa jas daryn 6 nomınasıa boıynsha baq synasady:
«Óleń – sózdiń patshasy, sóz sarasy», «Abaıdyń qara sózderi», «Abaıdyń aqyn shákirtteriniń shyǵarmalary», «Kóńilim ándi uǵady», «Júırikten júırik ozar jarysqanda», «Sóz ónerindegi uly Abaı beınesi».
Basty shart - qatysýshylar Abaı shyǵarmalaryn jatqa aıtýy tıis.
Aıta ketý kerek, Abaı oqýlarynyń júldegerleri Qazaqstan Respýblıkasy Oqý-aǵartý mınıstrliginiń İ, İİ, İİİ dárejeli dıplomdarymen jáne altyn, kúmis, qola medaldarmen marapattalady. Sondaı-aq «Daryn» respýblıkalyq ǵylymı-tájirıbelik ortalyǵynyń atynan gramotalar men baǵaly syılyqtar tapsyrylady.