Ár júrgizýshi júrgizýshi kýáliginiń joǵalýyna, qoldanylý merziminiń aıaqtalýy nemese teginiń aýysý sebebi boıynsha qalpyna keltirý qajettiligine tap bolýy múmkin. Muny qalaı jasaýǵa bolatyny jaıynda almaty-akshamy.kz saıtynyń tilshisi "Azamattarǵa arnalǵan úkimet "MK" KEAQ Almaty oblysy boıynsha fılıalynan surap kórdi.
Júrgizý quqyǵyn qalpyna keltirý úshin qyzmetalýshy mamandyrylǵan halyqqa qyzmet kórsetý ortalyǵyna júginý qajet. Ózińizben birge jeke basyn kýálandyratyn qujat jáne memlekettik bajdyń tólengeni týraly chek bolýy qajet. Eger júrgizýshi kýáliginiń merzimi ótip ketse, medısınalyq anyqtama qajet bolady, - deıdi fılıaldyń ókili.
Sondaı-aq, júrgizýshi kýáligin qaıta shyǵarý kezinde teorıalyq jáne praktıkalyq emtıhandardy qaıta tapsyrý talap etilmeıdi.
Aıta keteıik, memlekettik qyzmet kórsetý merzimi qujattardy tapsyrǵan sátten bastap 2 saǵattan aspaıdy.
Aıta ketý kerek, bıylǵy jyldyń alǵashqy bes aıynda Almaty oblysynda 10.746 júrgizýshi kýáligi berilgen.