Times Higher Education (THE) álemniń úzdik joǵary oqý oryndarynyń jańartylǵan tizimin jarıalady, oǵan tórt qazaqstandyq ýnıversıtet kirdi.
Bıyl reıtıńte 115 elden 2000-nan astam oqý oryndarynyń arasynda 23 qazaqstandyq JOO usynylǵan. Bıylǵy nátıjeler joǵary bilim berýdegi mańyzdy ózgerister men tendensıalardy kórsetedi, dep habarlaıdy aqshamnews.kz Ǵylym jáne joǵary bilim mınıstrligine silteme jasap.
NU 501-600 orynǵa jaıǵasyp, birneshe qatarǵa kóterildi. Ýnıversıtet ásirese «Bilim berý» sanatynda 251-300 dıapazonynda erekshelendi, bul onyń osy saladaǵy muǵalimderdi daıarlaý men akademıalyq zertteýlerdegi kóshbasshylyǵyn kórsetedi.
Ál-Farabı atyndaǵy Qazaq ulttyq ýnıversıtetiniń pozısıasy 1201-1500 dıapazonynda. «Oqytý» jáne «Halyqaralyq kózqaras» sanattarynda aıtarlyqtaı jaqsartýlar baıqaldy.
L.N.Gýmılev atyndaǵy Eýrazıa ulttyq ýnıversıtetiniń pozısıasy 1501+ dıapazonynda, «Oqytý» jáne «Dáıeksózder» sanattary boıynsha baǵalaýda azdaǵan ózgerister boldy.
Ótken jyly 1501+ dıapazonynda bolǵan Satbayev University óz pozısıasyn saqtap qaldy, alaıda «Halyqaralyq kózqaras» sanaty boıynsha kórsetkishterdi jaqsartty.
Ýnıversıtetterdiń eń bedeldi álemdik reıtıńteriniń biri bolyp sanalatyn THE reıtıńi joǵary oqý oryndaryn tórt negizgi ólshem boıynsha baǵalaıdy: bilim sapasy, ǵylymı zertteýler, dáıeksóz jáne halyqaralyq yntymaqtastyq.