Transkaspıı baǵyty arqyly eki jylda júk tasymaldaý kólemi eki ese ósti

QR Kólik mınıstri Marat Qarabaev teńiz ınfraqurylymyn damytýdyń jáne THKM (Transkaspıı halyqaralyq kólik marshrýty) áleýetin odan ári arttyrýdyń ózekti máseleleri boıynsha keńes ótkizdi.

Transkaspıı marshrýty Shyǵys pen Batys arasyndaǵy negizgi tranzıttik dálizderdiń biri bolyp tabylady. Sońǵy eki jylda júk tasymaldaý kólemi eki esege ósti.

Atap aıtqanda, Qytaıdyń konteınerlik tasymalynyń tranzıti qarqyndy ósýde. Aǵymdaǵy jyldyń 9 aıynda shamamen 23,5 myń jıyrma fýttyq ekvıvalentter tasymaldandy, bul ótken jyldyń kóleminen 20 ese kóp. THKM baǵyty boıynsha aıyna shamamen 40 konteınerlik poıyzdar júredi. Bul temir joldardyń, teńiz porttarynyń jáne saýda flotynyń úılesimdi jumysynyń arqasynda múmkin boldy.

Qazir Qytaıdyń basqa júk óndirýshi provınsıalary, atap aıtqanda, Chýnsın, Iý, Sanpın, Nankın, Szınhe, Dýnzáchjen THKM-na qyzyǵýshylyq tanytýda. Bolashaqta konteınerlik tasymal kólemi jylyna 3 myń konteınerlik poıyzǵa deıin ulǵaıtylady.

Sonymen qatar halyqaralyq avtotasymaldaýshylar THKM baǵytynda júıeli túrde qaıta baǵdarlanýda. Bıyl Qytaımen úkimetaralyq kelisimge qol qoıylyp, vızasyz rejım engizilgennen keıin qytaılyq tasymaldaýshylar da bul baǵytty damyta bastady. Shilde aıynan beri THKM arqyly Qytaıdyń 2300-den astam kóligi ótken.

Otyrys qorytyndysy boıynsha Quryq portynyń ınfraqurylymyn jańǵyrtý boıynsha jumysty jandandyrý, jyl sońyna deıin Quryq portynda tereńdetý jumystaryn aıaqtaýdy qamtamasyz etý jáne zamanaýı jol boıyndaǵy servısti qurý arqyly júrgizýshilerdiń Quryq portynda bolý jaǵdaılaryn jaqsartý boıynsha sharalar qabyldaý jóninde tapsyrmalar berildi.

Aqtaý portynda bıyl konteınerlik hab qurylysy bastaldy, alǵashqy iske qosý kesheni kelesi jyly aıaqtalady dep josparlanýda. Qaıta tıeý tehnıkasy kezeń-kezeńimen jańartylýda, bıyl júk kótergishtigi 64 tonna portaldyq kran satyp alyndy. Mınıstr Aqtaý portynyń akvatorıasyn tereńdetý boıynsha jobalyq qujattamany ázirleýdi jedeldetýdi jáne ákimdikpen birlesip port qýattaryn damytý úshin jer ýchaskelerin bólýdi pysyqtaýdy tapsyrdy.

Saýda flotyn damytý maqsatynda Qazaqstanda keme jasaý qýattaryn qurý josparlary talqylandy. Orta merzimdi perspektıvada otandyq saýda floty 7 jańa saýda kemesimen tolyqtyrylady.
Jalpy alǵanda, kólik ınfraqurylymyn sınhrondy damytý THKM baǵytynyń serpindi damýynyń jáne dınamıkalyq ósip kele jatqan júk tasymalynyń tasymaldanýyn qamtamasyz etýdiń kilti bolyp tabylady